ರಾಗ ಬದಲಿಸಿದ ‘ದಿ ಕೇರಳ ಸ್ಟೋರಿ’ ಚಿತ್ರ ತಂಡ | ಮತಾಂತರಗೊಂಡ ಯುವತಿಯರ ಸಂಖ್ಯೆ 32 ಸಾವಿರದಿಂದ 3ಕ್ಕೆ ಇಳಿಕೆ!

ಮುಂಬೈ: ಕಪೋಲಕಲ್ಪಿತ ಕಥೆ ಹಾಗೂ ಕೇರಳ ರಾಜ್ಯಕ್ಕೇ ಕೆಟ್ಟ ಹೆಸರು ತರುವ ನಿಟ್ಟಿನಲ್ಲಿ ಮಾಡಲಾಗಿರುವ ಸಿನಿಮಾ ಎನ್ನುವ ಆರೋಪವನ್ನು ಎದುರಿಸುತ್ತಿರುವ ‘ದಿ ಕೇರಳ ಸ್ಟೋರಿ’ ಚಿತ್ರ ತಂಡವು ಇದೀಗ ತನ್ನ ರಾಗವನ್ನು ಬದಲಿಸಿದೆ.

ಇದು ಸತ್ಯ ಘಟನೆ ಆಧಾರಿತ ಚಿತ್ರ ಎಂದು ಹೇಳಿಕೊಂಡಿದ್ದ ಚಿತ್ರ ತಂಡ, ಕೇರಳದಿಂದ 32 ಸಾವಿರ ಮಹಿಳೆಯರು ಮತಾಂತರವಾಗಿ ಐಸಿಸ್ ಸೇರಿದ್ದಾರೆ ಎಂದು ವಾದಿಸಿತ್ತು. ಆದರೆ ಇದೀಗ ವಿವಾದವಾಗುತ್ತಿದ್ದಂತೆಯೇ 32 ಸಾವಿರ ಯುವತಿಯರ ಬದಲು 3 ಯುವತಿಯರು ಮತಾಂತರವಾಗಿ ಐಸಿಸ್ ಸೇರಿದ್ದಾರೆ ಎಂದು ಬದಲಾಯಿಸಿದೆ.

ಚಿತ್ರತಂಡವು ಟ್ರೇಲರ್ನ YouTube ಡಿಸ್ಕ್ರಿಪ್ಷನ್ ನಲ್ಲಿ ಮೊದಲು 32,000 ಯುವತಿಯರು ಎಂದು ಬರೆದಿತ್ತು, ಈಗ 3 ಯುವತಿಯರು ಎಂದು ತಿದ್ದುಪಡಿ ಮಾಡಿದೆ.

ಈ ಸಿನಿಮಾ ವಿರುದ್ಧ ಕೇರಳ ಸೇರಿದಂತೆ ವಿವಿಧೆಡೆ ವ್ಯಾಪಕ ವಿರೋಧ ವ್ಯಕ್ತವಾಗಿತ್ತು. ಈ ಚಿತ್ರಕ್ಕೆ ತಡೆನೀಡಬೇಕು ಎಂದು ಕೋರಿ ಸುಪ್ರೀಂಕೋರ್ಟ್ನಲ್ಲಿ ಅರ್ಜಿ ಕೂಡ ಸಲ್ಲಿಕೆಯಾಗಿತ್ತು.