ಕಸ್ಬಾ, ಈರೋಡ್ ಪೂರ್ವ ವಿಧಾನಸಭೆ ಉಪ ಚುನಾವಣೆ: ಕಾಂಗ್ರೆಸ್’ಗೆ ಗೆಲುವು

ಮುಂಬೈ: ಮಹಾರಾಷ್ಟ್ರ ಪೂನಾದ ಕಸ್ಬಾ ಪೇಟ್ ವಿಧಾನ ಸಭಾ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್ ಪಕ್ಷದ ರವೀಂದ್ರ ದಾಂಗೇಕರ್ ಗೆಲುವು ಸಾಧಿಸಿದ್ದಾರೆ. ಬಿಜೆಪಿಯ ಹೇಮಂದ್ ರಸ್ನೆ ಸೋಲು ಕಂಡಿದ್ದಾರೆ.

ಚಿಂಚ್’ವಾಡ್’ನಲ್ಲಿ ತ್ರಿಕೋನ ಸ್ಪರ್ಧೆ ಇದ್ದು ಬಿಜೆಪಿ 12,000 ಮತದ ಮುನ್ನಡೆಯಲ್ಲಿ ಇರುವುದಾಗಿ ತಿಳಿದು ಬಂದಿದೆ.

ತಮಿಳುನಾಡಿನ ಈರೋಡ್ ಪೂರ್ವ ವಿಧಾನ ಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿಯೂ ಕಾಂಗ್ರೆಸ್ ಅಭ್ಯರ್ಥಿ ಇವಿಕೆಎಸ್ ಇಳಂಗೋವನ್ ಗೆಲುವು ಖಚಿತ ಎಂದು ಮುಖ್ಯಮಂತ್ರಿ ಸ್ಟಾಲಿನ್ ಹೇಳಿದ್ದಾರೆ.
ಇಳಂಗೋವನ್ ಸತತ ಮುನ್ನಡೆ ಕಾಯ್ದುಕೊಂಡಿದ್ದು, ಈಗ 1.70 ಲಕ್ಷ ಮತದೊಡನೆ 26,000 ಮುನ್ನಡೆ ಪಡೆದಿದ್ದಾರೆ. ಅದು ಅವರ ಗೆಲುವಿನ ಖಚಿತತೆಗೆ ಸಾಕು ಎಂದು ವರದಿಯಾಗಿದೆ.