ಕಲ್ಲಿಕೋಟೆ: ಕಾಸರಗೋಡು ಮೂಲದ ಮಾಡೆಲ್​ ಹಾಗೂ ನಟಿಯೊಬ್ಬರ ಮೃತದೇಹವು ನೇಣು ಬಿಗಿದ ಸ್ಥಿತಿಯಲ್ಲಿ ಕೇರಳದ ಕಲ್ಲಿಕೋಟೆಯಲ್ಲಿ ಪತ್ತೆಯಾಗಿದೆ.

ಶಹನಾ (20) ಮೃತ ನಟಿ ಎಂದು ತಿಳಿದು ಬಂದಿದೆ. ಶಹನಾ ಕಾಸರಗೋಡಿನ ಚೆರ್ವತ್ತೂರು ಮೂಲದ ನಿವಾಸಿಯಾಗಿದ್ದು,  ಕಳೆದ ರಾತ್ರಿ ಕಲ್ಲಿಕೋಟೆಯ ಬಾಡಿಗೆ ಮನೆಯಲ್ಲಿ ಮೃತದೇಹ ಪತ್ತೆಯಾಗಿದೆ.

ಶಹನಾ ಒಂದೂವರೆ ವರ್ಷಗಳ ಹಿಂದೆ ಸಜ್ಜಾದ್ ರನ್ನು ಮದುವೆ ಆಗಿದ್ದರು. ಇಬ್ಬರ ನಡುವೆ ಆಗಾಗ ಜಗಳ ನಡೆಯುತ್ತಿತ್ತು. ಹಿಂದೊಮ್ಮೆ ಕೊಲೆ ಮಾಡುವುದಾಗಿ ಸಜ್ಜಾದ್​ ಬೆದರಿಕೆ ಹಾಕಿದ್ದ. ಆಕೆಯ ಸಾವಿನ ಬಗ್ಗೆ ಸಂಬಂಧಿಕರು ಅನುಮಾನ ವ್ಯಕ್ತಪಡಿಸಿದ್ದು, ಗಂಡ ಸಜ್ಜಾದ್​ ರನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.