ಲೆಬನಾನ್ ಮೇಲೆ ಇಸ್ರೇಲ್ ಡ್ರೋನ್ ದಾಳಿ: ನಾಗರಿಕ ರಕ್ಷಣಾ ಪಡೆಯ ಮೂವರು ಸಿಬ್ಬಂದಿ ಮೃತ

ಲೆಬನಾನ್: ದಕ್ಷಿಣ ಲೆಬನಾನ್ ಮೇಲೆ ಇಸ್ರೇಲ್ ನಡೆಸಿದ ಡ್ರೋನ್ ದಾಳಿಯಲ್ಲಿ ಲೆಬನಾನ್ ನಾಗರಿಕ ರಕ್ಷಣಾ ಮೂವರು ಸಿಬ್ಬಂದಿ ಮೃತಪಟ್ಟಿದ್ದಾರೆ. ಇಬ್ಬರು ಗಾಯಗೊಂಡಿದ್ದಾರೆ.

ಅಬ್ಬಾಸ್ ಅಹಮದ್, ಮುಹಮ್ಮದ್ ಹಾಶಿಮ್ ಮತ್ತು ಖಾಸಿಮ್ ಬಾಝಿ ಮೃತರುಎಂದು ಲೆಬನಾನ್ ಮಿಲಿಟರಿ ಮೂಲಗಳು ತಿಳಿಸಿವೆ.

ದಕ್ಷಿಣ ಲೆಬನಾನ್‌ನ ಗಡಿ ವಾಡಿ ಫ್ರೌನ್ ನಲ್ಲಿ ಶನಿವಾರ ಇಸ್ರೇಲ್ ನಡೆಸಿದ ವೈಮಾನಿಕ ದಾಳಿಯಿಂದ ಉಂಟಾದ ಬೆಂಕಿಯನ್ನು ನಂದಿಸಲು ಪ್ರಯತ್ನಿಸುತ್ತಿದ್ದ ನಾಗರಿಕ ರಕ್ಷಣಾ ಸಿಬ್ಬಂದಿಯ ಗುಂಪಿನ ಮೇಲೆ ಇಸ್ರೇಲ್ ಡ್ರೋನ್ ಗಾಳಿಯಿಂದ ನೆಲಕ್ಕೆ ಕ್ಷಿಪಣಿಯನ್ನು ಹಾರಿಸಿದೆ ಎಂದು ಮೂಲಗಳು ತಿಳಿಸಿವೆ.

ಇಸ್ರೇಲ್ ಯುದ್ಧವಿಮಾನಗಳು ಮತ್ತು ಡ್ರೋನ್‌ಗಳು ದಕ್ಷಿಣ ಲೆಬನಾನ್‌ನ ನಾಲ್ಕು ಗಡಿ ಪಟ್ಟಣಗಳು ಮತ್ತು ಹಳ್ಳಿಗಳ ಮೇಲೆ ಶನಿವಾರ ಆರು ದಾಳಿಗಳನ್ನು ಮತ್ತು ಇಸ್ರೇಲ್ ಫಿರಂಗಿಗಳು ಪೂರ್ವ ಮತ್ತು ಕೇಂದ್ರ ವಲಯದ ಒಂಬತ್ತು ಗ್ರಾಮಗಳು ಮತ್ತು ಪಟ್ಟಣಗಳ ಮೇಲೆ 35 ಶೆಲ್‌ಗಳಿಂದ ಶೆಲ್ ದಾಳಿ ನಡೆಸಿದೆ.