ನವದೆಹಲಿ: ಕೋವಿಡ್ -19 ಸಾಂಕ್ರಾಮಿಕದ ಸಮಯದಲ್ಲಿ ಜಾರಿಗೆ ತಂದ ವೇತನ ಕಡಿತವನ್ನು ವಿರೋಧಿಸಿ ಮಂಗಳವಾರ ಮುಷ್ಕರವನ್ನು ಆಯೋಜಿಸಲು ಯೋಜಿಸುತ್ತಿದ್ದ ಕೆಲವು ಪೈಲಟ್‌ ಗಳನ್ನು ಇಂಡಿಗೋ ಅಮಾನತುಗೊಳಿಸಿದೆ ಎಂದು ಮೂಲಗಳು ತಿಳಿಸಿವೆ.

ಸಾಂಕ್ರಾಮಿಕ ರೋಗದ ಸಮಯದಲ್ಲಿ, ಭಾರತದ ಅತಿದೊಡ್ಡ ವಿಮಾನಯಾನ ಸಂಸ್ಥೆಯು ತನ್ನ ಪೈಲಟ್‌ ಗಳ ಸಂಬಳವನ್ನು ಶೇಕಡಾ 30 ರಷ್ಟು ಕಡಿತಗೊಳಿಸಿತ್ತು.

ಏಪ್ರಿಲ್ 1 ರಂದು, ವಿಮಾನಯಾನ ಸಂಸ್ಥೆಯು ಪೈಲಟ್‌ ಗಳ ಸಂಬಳವನ್ನು ಶೇಕಡಾ 8 ರಷ್ಟು ಹೆಚ್ಚಿಸುವ ನಿರ್ಧಾರವನ್ನು ಪ್ರಕಟಿಸಿದ್ದು. ಯಾವುದೇ ಅಡೆತಡೆಗಳಿಲ್ಲದಿದ್ದಲ್ಲಿ ನವೆಂಬರ್‌ ನಿಂದ ಮತ್ತೊಂದು ಶೇಕಡಾ 6.5 ರಷ್ಟು ಹೆಚ್ಚಳವನ್ನು ಜಾರಿಗೊಳಿಸಲಾಗುವುದು ಎಂದು ಅದು ಹೇಳಿದೆ.

ಆದಾಗ್ಯೂ, ಪೈಲಟ್‌ ಗಳ ಒಂದು ವಿಭಾಗವು ಅತೃಪ್ತರಾಗಿ ಮುಷ್ಕರವನ್ನು ಆಯೋಜಿಸಲು ನಿರ್ಧರಿಸಿದ್ದರಿಂದ ಅವರಲ್ಲಿ ಕೆಲವರನ್ನು ವಿಮಾನಯಾನ ಸಂಸ್ಥೆ ಅಮಾನತುಗೊಳಿಸಿದೆ  ಎಂದು ಮೂಲಗಳು ತಿಳಿಸಿವೆ.