ವಿಕಲಚೇತನ ಬಾಲಕನಿಗೆ ವಿಮಾನಯಾನ ನಿರಾಕರಣೆ: ನಿಯಮ ಉಲ್ಲಂಘಿಸಿದ ಇಂಡಿಗೋ’ಗೆ ಡಿಸಿಜಿಎ ‘ಕ್ಲಾಸ್’

ರಾಂಚಿ: ಹೈದರಾಬಾದಿಗೆ ಪೋಷಕರೊಂದಿಗೆ ತೆರಳಬೇಕಿದ್ದ ವಿಕಲಚೇತನ ಬಾಲಕನಿಗೆ ಇಂಡಿಗೋ ಸಿಬ್ಬಂದಿ ವಿಮಾನಯಾನಕ್ಕೆ ನಿರಾಕರಿಸಿದ ಘಟನೆ ಕಳೆದ ಮೇ 7ರಂದು ರಾಂಚಿ ವಿಮಾನ ನಿಲ್ದಾಣದಲ್ಲಿ ನಡೆದಿತ್ತು. ಘಟನೆ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶಕ್ಕೆ ವ್ಯಕ್ತವಾಗಿದ್ದು, ಈ ಕುರಿತು ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಪ್ರತಿಕ್ರಿಯಿಸಿ ಸ್ವತಹ ಪರಿಶೀಲಿಸಿ ಕ್ರಮಕೈಗೊಳ್ಳುವುದಾಗಿ ಭರವಸೆ ನೀಡಿದ್ದರು.

ಇದೀಗ ಘಟನೆಗೆ ಸಂಬಂಧಿಸಿದಂತೆ ಇಂಡಿಗೊ ವಿಮಾನಯಾನ ಸಂಸ್ಥೆಗೆ ನಾಗರಿಕ ವಿಮಾನಯಾನ ನಿರ್ದೇಶನಾಲಯ (ಡಿಜಿಸಿಎ) ಶೋಕಾಸ್ ನೋಟಿಸ್ ಜಾರಿಗೊಳಿಸಿದೆ. ಡಿಸಿಜಿಎ ರಚಿಸಿದ್ದ ಸತ್ಯಶೋಧನಾ ಸಮಿತಿಯು ತನಿಖೆಯನ್ನು ಪೂರ್ಣಗೊಳಿಸಿ ವರದಿ ಸಲ್ಲಿಸಿದ್ದು, ಇಂಡಿಗೋ ಸಂಸ್ಥೆಯು ನಿಯಮ ಉಲ್ಲಂಘಿಸಿರುವುದು ಪ್ರಾಥಮಿಕ ತನಿಖಾ ವರದಿಯಿಂದ ಬಹಿರಂಗಗೊಂಡಿದೆ ಎಂದು ಡಿಜಿಸಿಎ ತಿಳಿಸಿದೆ.

ಪ್ರಯಾಣಿಕರಿಗೆ ತೊಂದರೆ ಆಗುತ್ತದೆ ಎಂದು ನೆಪವೊಡ್ಡಿ ಇಂಡಿಗೋ ಸಂಸ್ಥೆಯ ಸಿಬ್ಬಂದಿ ವಿಕಲಚೇತನ ಬಾಲಕನಿಗೆ ಬೋರ್ಡಿಂಗ್ ಪಾಸಿಗೆ ಅವಕಾಶ ನಿರಾಕರಿಸಿದ್ದರು.