ದುಬೈಯಲ್ಲಿ ಲಾಟರಿಗೆದ್ದು ಒಂದೇ ದಿನದಲ್ಲಿ ಕೋಟ್ಯಾಧಿಪತಿಯಾದ ಭಾರತ ಮೂಲದ ವಾಹನ ಚಾಲಕ

ದುಬೈ: ನಾಲ್ಕು ವರ್ಷಗಳ ಹಿಂದೆ ಕೆಲಸ ಅರಸಿಕೊಂಡು ದುಬೈಗೆ ತೆರಳಿದ್ದ ಭಾರತೀಯ ಮೂಲದ ವ್ಯಕ್ತಿಯೊಬ್ಬರು ‘ಎಮಿರೇಟ್ಸ್ ಡ್ರಾ‘ ಲಾಟರಿಯಲ್ಲಿ ಬರೋಬ್ಬರಿ 33 ಕೋಟಿ ರೂ. ಗೆದ್ದು, ರಾತ್ರೋ ರಾತ್ರಿ ಕೋಟ್ಯಾಧಿಪತಿಯಾಗಿದ್ದಾರೆ.

ಅಜಯ್ ಒಗುಲಾ ಎಂಬ ವ್ಯಕ್ತಿ ಲಾಟರಿ ಗೆದ್ದ ಅದೃಷ್ಟವಂತ. ಸದ್ಯ ಜ್ಯುವೆಲರಿ ಅಂಗಡಿಯೊಂದರ ವಾಹನ ಚಾಲಕನಾಗಿ ದುಡಿಯುತ್ತಿರುವ ಅಜಯ್ 72000 ಮಾಸಿಕ  ವೇತನ ಪಡೆಯುತ್ತಿದ್ದಾರೆ.

ಇದೇ ಲಾಟರಿಯಲ್ಲಿ ಬ್ರಿಟಿಷ್ ಮೂಲದ ಪೌಲಾ ಲೀಚ್ ಎಂಬರು ಕೂಡ 17.5 ಲಕ್ಷ  ಗೆದ್ದಿದ್ದಾರೆ.

ಹಣ ಗೆದ್ದಿರುವ ಖುಷಿಯನ್ನು ಖಲೀಜ್ ಟೈಮ್ಸ್’ನೊಂದಿಗೆ ಹಂಚಿಕೊಂಡಿರುವ ಅಜಯ್, ‘ನಾನು ಲಾಟರಿ ಗೆದ್ದಿದ್ದೇನೆ ಎಂಬುವುದನ್ನು ನಂಬಲು ಸಾಧ್ಯವಾಗುತ್ತಿಲ್ಲ.  ಮನೆಯವರೊಂದಿಗೆ ಈ ವಿಚಾರ ಹೇಳಿದಾಗಲೂ ಅವರಿಗೆ ನಂಬಿಕೆ ಬರಲಿಲ್ಲ. ಈಗ ಮಾಧ್ಯಮಗಳಲ್ಲಿ ಬರುತ್ತಿರುವಾಗ ಅವರು ನಂಬಲೇಬೇಕಾಗಿದೆ ಎಂದು ಹೇಳಿದರು.

ಈ ಹಣದಿಂದ ದತ್ತಿ ಸಂಸ್ಥೆ ಸ್ಥಾಪಿಸಿ, ತನ್ನ ಗ್ರಾಮದ ಹಾಗೂ ಪಕ್ಕದ ಗ್ರಾಮದ ಬಡವರಿಗೆ ನೆರವಾಗುತ್ತೇನೆ ಎಂದು ಅಜಯ್ ಒಗುಲಾ ಹೇಳಿದ್ದಾರೆ.