ಮಂಜೇಶ್ವರ: ಇಲ್ಲಿನ ಉದ್ಯಾವರ ಮಾಡ ಕಿರಿಯ ಪ್ರಾಥಮಿಕ ಶಾಲೆ ಜಿ ಎಲ್ ಪಿ ಯಸ್ ಕುಂಜತ್ತೂರು ಇದರ ವತಿಯಿಂದ ಅತ್ಯಂತ ವಿಜೃಂಭಣೆಯಿಂದ ಸ್ವಾತಂತ್ರ್ಯೋತ್ಸವವನ್ನು ಆಚರಿಸಲಾಯಿತು.
ಶಾಲಾ ಮುಖ್ಯೋಪಾದ್ಯಾಯರಾದ ಶ್ರೀ ರಾಧಾಕೃಷ್ಣ ಅವರು ದ್ವಜಾರೋಹಣಗೈದರು ಈ ವೇಳೆ ಪಿ ಟಿ ಎ ಸಮಿತಿ ಪದಾಧಿಕಾರಿಗಳು ಹಾಗೂ ಊರ ಗಣ್ಯರು ವಿವಿಧ ಸಂಘ ಸಂಸ್ಥೆ ನಾಯಕರು ಉಪಸ್ಥಿತರಿದ್ದರು.
ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಅಂಗವಾಗಿ ಹಮ್ಮಿಕೊಂಡ ವಿದ್ಯಾರ್ಥಿಗಳ ಪ್ರತಿಭಾ ಕಾರ್ಯಕ್ರಮವು ವಿಜೃಂಭಣೆಯಿಂದ ಜರುಗಿತು. ಅಮೃತ ಮಹೋತ್ಸವ ನಿಮಿತ್ತ ಜರುಗಿದ ಸಭಾ ಕಾರ್ಯಕ್ರಮದ ಉದ್ಘಾಟನೆಯನ್ನು ಪ್ರಮುಖ ಸಮಾಜ ಸೇವಕ ಶ್ರೀ ಹರೀಶ್ ಮಾಡ ನಿರ್ವಹಿಸಿದರು ಹಿರಿಯ ಸಾಮಾಜಿಕ ನಾಯಕರಾದ ಇ ಶಂಬು ನಂಬೂದಿರಿ ಮಾಡ ಪೂರ್ವ ವಿದ್ಯಾರ್ಥಿ ಯಸ್ ಎಂ ಬಷೀರ್ ಅಹಮ್ಮದ್ ವೀರಮಾರುತಿ ವ್ಯಾಯಾಮ ಶಾಲೆ ಅಧ್ಯಕ್ಷರಾದ ನೀಲಧರ ಮಾಡ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದರು.
ಹಿರಿಯ ಶಿಕ್ಷಕಿ ಶೀಬಾ ರೋಸ್ ಟಿ ಹಾಗೂ ಶಿಕ್ಷಕಿಯರಾದ ಸುಚಿತ್ರ ಅವರು ಸ್ವಾತಂತ್ರ್ಯ ದಿನ ಸಂದೇಶವನ್ನು ನೀಡಿದರು.
ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಅಹ್ಮದ್ ಮೌಲಾನಾ ರೋಡು ರವರು ಅಧ್ಯಕ್ಷತೆ ವಹಿಸಿದರು. ರಕ್ಷಕ ಶಿಕ್ಷಕ ಸಂಘ ಪದಾಧಿಕಾರಿಗಳಾದ ಇಬ್ರಾಹಿಂ ಇರ್ಷಾದ್ ನಗರ್, ನಾಸಿರ್ ಆರ್ ವಾರ್, ಪುತ್ತು ತೂಮಿನಾಡು ಉಪಸ್ಥಿತರಿದ್ದರು. ಶಾಲಾ ಶಿಕ್ಷಕಿಯರಾದ ಪೂರ್ಣಿಮಾ, ಸಾಹಿರಾ, ಮರಿಯಮ್ಮ ವಾಲ್ಫಾ, ನಸೀಮಾ, ಫಾಯಿಝ ಹಾಗೂ ರಕ್ಷಕರು ವಿದ್ಯಾರ್ಥಿಗಳು ಊರವರು ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು. ಸಭಾ ಕಾರ್ಯಕ್ರಮದಲ್ಲಿ ಶಾಲಾ ಮುಖ್ಯೋಪಾಧ್ಯಾಯರಾದ ಶ್ರೀ ರಾಧಾ ಕೃಷ್ಣರವರು ಸ್ವಾಗತಿಸಿ ಶೀಜ ಟೀಚರ್ ಧನ್ಯವಾದ ನೆರವೇರಿಸಿದರು.
