ನವದೆಹಲಿ: ವಿವಿಧ ಪ್ರಕರಣಗಳಲ್ಲಿನ ಆರೋಪಿಗಳ ವಿರುದ್ಧ ಮನೆಗಳ ಮೇಲಿನ ಬುಲ್ಡೋಜರ್‌ ಕ್ರಮವನ್ನು ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಅರ್ಜಿಯ ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್ ಸೋಮವಾರ (ಸೆ.02) ಒಂದು ವೇಳೆ ವ್ಯಕ್ತಿಯನ್ನು ಅಪರಾಧಿ ಎಂದು ಆದೇಶ ನೀಡುವ ಮೊದಲು ಮನೆಯನ್ನು ನೆಲಸಮಗೊಳಿಸಬಾರದು ಎಂದು ಅಭಿಪ್ರಾಯವ್ಯಕ್ತಪಡಿಸಿದೆ.
ಕೇವಲ ಆರೋಪಿಯಾದ ಮಾತ್ರಕ್ಕೆ ಮನೆಯನ್ನು ಹೇಗೆ ಧ್ವಂಸಗೊಳಿಸಿದಿರಿ? ಒಂದು ವೇಳೆ ಅಪರಾಧಿ ಎಂದು ಆದೇಶ ನೀಡುವವರೆಗೆ ಮನೆ ಧ್ವಂಸಗೊಳಿಸುವಂತಿಲ್ಲ.
ನಾವು ಈ ಬಗ್ಗೆ ಮೌಖಿಕವಾಗಿ ಹೇಳಿದ್ದರೂ ಕೂಡಾ, ಸರ್ಕಾರದ ನಡವಳಿಕೆಯಲ್ಲಿ ಯಾವುದೇ ಬದಲಾವಣೆ ಕಂಡಿಲ್ಲ ಎಂದು ಜಮಿಯತ್‌ ಇ ಹಿಂದ್‌ ಸಲ್ಲಿಸಿದ್ದ ಅರ್ಜಿ ವಿಚಾರಣೆ ನಡೆಸಿದ ಜಸ್ಟೀಸ್‌ ಬಿಆರ್‌ ಗವಾಯಿ ಈ ರೀತಿ ತರಾಟೆಗೆ ತೆಗೆದುಕೊಂಡಿರುವುದಾಗಿ ವರದಿ ತಿಳಿಸಿದೆ.
ಯಾರೂ ಕೂಡಾ ಲೋಪದೋಷದ ಲಾಭವನ್ನು ಪಡೆದುಕೊಳ್ಳಬಾರದು. ತಂದೆಯೊಬ್ಬನಿಗೆ ಅಶಿಸ್ತಿನ ಮಗನಿರಬಹುದು, ಆದರೆ ಈ ನೆಲದಲ್ಲಿ ಒಂದು ವೇಳೆ ಮನೆಯನ್ನು ಧ್ವಂಸಗೊಳಿಸುದೆಂದರೆ ಇದು ಸೂಕ್ತವಾದ ಮಾರ್ಗವಲ್ಲ ಎಂದು ಜಸ್ಟೀಸ್‌ ಕೆ.ವಿ.ವಿಶ್ವನಾಥನ್‌ ಅರ್ಜಿ ವಿಚಾರಣೆ ವೇಳೆ ತಿಳಿಸಿರುವುದಾಗಿ ವರದಿಯಾಗಿದೆ.
