ಅಹ್ಮದಾಬಾದ್: ಗುಜರಾತಿನ ಭುಜ್’ನಲ್ಲಿ ಹಿಟ್ ಆ್ಯಂಡ್ ರನ್ ಪ್ರಕರಣದಲ್ಲಿ ವೇಗವಾಗಿ ಬಂದ ಕಾರೊಂದು ಫುಟ್ ಪಾತ್’ನಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಗೆ ಡಿಕ್ಕಿಹೊಡೆದು ಪರಾರಿಯಾಗಿದೆ.
ಸಿಸಿಟೀವಿ ನೋಟ ಭಯಾನಕವಾಗಿದ್ದು ಜನರು ರೊಚ್ಚಿಗೆದ್ದುದು ಕಂಡುಬಂದಿದೆ. ಸಿಕ್ಕ ವ್ಯಕ್ತಿ ತೀವ್ರವಾಗಿ ಗಾಯಗೊಂಡಿದ್ದಾನೆ. ವೀಡಿಯೋ ಜಾಲ ತಾಣಗಳಲ್ಲಿ ವೈರಲ್ ಆಗಿದೆ.
ಪೆಟ್ರೋಲ್ ಪಂಪ್ ಪಕ್ಕದಲ್ಲಿ ಕಾಲುಹಾದಿಯಲ್ಲಿ ನಿಂತಿದ್ದ ಅಲ್ಲಾವುದ್ದೀನ್ ಎಂಬವರಿಗೆ ಕಾರು ಡಿಕ್ಕಿಯಾಗಿ ಪರಾರಿಯಾಗಿದೆ. ತಿರುವಿನಲ್ಲಿ ಸ್ಟೀರಿಂಗ್ ನಿರ್ವಹಿಸಲಾಗದ ಚಾಲಕ ಅಪಘಾತ ನಡೆಸಿದ್ದಾನೆ. ಈ ಆಘಾತ ಎಷ್ಟಿತ್ತೆಂದರೆ ಅಲ್ಲಾವುದ್ದಿನ್ 15 ಅಡಿ ಎತ್ತರದವರೆಗೆ ಎಸೆಯಲ್ಪಟ್ಟಿದ್ದಾರೆ.
ಸ್ಥಳೀಯರು ಕೂಡಲೆ ಗಾಯಾಳುವನ್ನು ಹತ್ತಿರದ ಆಸ್ಪತ್ರೆಗೆ ಸೇರಿಸಿದರು. ಸಿಸಿಟೀವಿ ದೃಶ್ಯದ ಆಧಾರದಲ್ಲಿ ಮುಕುವಾ ಪೋಲೀಸರು ತನಿಖೆ ಆರಂಭಿಸಿದ್ದಾರೆ.
ಅಪಘಾತ ನಡೆದಾಗ ಸಾರ್ವಜನಿಕರು ಕಾನೂನು ಪಾಲಕರು ಮತ್ತು ರಾಜಕಾರಣಿಗಳ ವಿರುದ್ಧ ಪ್ರತಿಭಟನೆ ನಡೆಸಿದರು.
ಹಿಟ್ ಆ್ಯಂಡ್ ರನ್’ಗೆ ಪೊಲೀಸ್ ಅಧಿಕಾರಿ ಬಲಿ
ಹರಿಯಾಣದ ಹಿಸ್ಸಾರ್ ನಲ್ಲೂ ಹಿಟ್ ಆ್ಯಂಡ್ ರನ್ ಅಪಘಾತ ನಡೆದಿದೆ.
ಹಿಸ್ಸಾರ್ ಸಿರ್ಸಾ ಹೆದ್ದಾರಿಯಲ್ಲಿ ವಾಹನವೊಂದು ಡಿಎಸ್ ಪಿ ಮೋಟಾರ್ ಸೈಕಲ್’ಗೆ ಬಡಿದುದರಿಂದ ಅವರು ಸಾವನ್ನಪ್ಪಿದ್ದಾರೆ.
ಮೃತ ಪೊಲೀಸ್ ಅಧಿಕಾರಿ ರತಿಯಾ ಫತೇಬಾದ್ ನಲ್ಲಿ ಕರ್ತವ್ಯದಲ್ಲಿದ್ದ ಚಂದರ್ ಪಾಲ್ ಎಂದು ಗುರುತಿಸಲಾಗಿದೆ.
ಅವರನ್ನು ಕೆಡಹಿ ಹೋದ ವಾಹನ ಪತ್ತೆಯಾಗಿಲ್ಲ. ಕೂಡಲೆ ಸಾರ್ವಜನಿಕರು ಅವರನ್ನು ಅಗ್ರೋಹ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ಸಾಗಿಸಿದರಾದರೂ ಅವರು ಬದುಕುಳಿಯಲಿಲ್ಲ.
