ಮಂಗಳೂರು: ಕಾರ್ಕಳ ಗ್ರಾಮಾಂತರ ಪೊಲೀಸ್ ಠಾಣೆ ವ್ಯಾಪ್ತಿಯ ಕಲ್ಯಾ ಕಂಗಿತ್ಲು ಉಷಾ ಅಂಚನ್ ಮನೆಯಲ್ಲಿ ನಡೆದ ಕಳ್ಳತನದ ಸಂಬಂಧ ಇಬ್ಬರನ್ನು ಬಂಧಿಸಿರುವ ಪೊಲೀಸರು, ಕಳವಾಗಿದ್ದ ಚಿನ್ನ ಮತ್ತು ಬೆಳ್ಳಿಯ ಆಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ.
- Advertisement -
ಬಂಟ್ವಾಳ ಅರಂಬೋಡಿಯ 34ರ ಹರೆಯದ ಪ್ರಸಾದ್ ಮತ್ತು ಕಲ್ಯಾ ಮೂಲದ 39ರ ಹರೆಯದ ಶಿಬಾ ಬಂಧಿತರು. ಅವರನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ಡಿಸೆಂಬರ್ 3ರಂದು ರಾತ್ರಿ ಮೆಹಂದಿ ಕಾರ್ಯಕ್ರಮಕ್ಕೆ ಹೋದಾಗ ಈ ಕಳ್ಳತನ ಆಗಿತ್ತು. ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಉಷಾ ಅಂಚನ್ ಸ್ನೇಹಿತೆಯೇ ಆಗಿದ್ದ ಶಿಬಾ ತನ್ನ ಗೆಳೆಯ ಪ್ರಸಾದ್’ಗೆ ಮಾಹಿತಿ ನೀಡಿ ಗೆಳತಿ ಜೊತೆಗೆ ಏನೂ ಗೊತ್ತಿಲ್ಲದಂತೆ ಇದ್ದಳು. ಪ್ರಸಾದ್ ಮೇಲೆ ಹಿಂದೆಯೇ ಹತ್ತಾರು ಪ್ರಕರಣಗಳು ಇರುವುದು ತಿಳಿದು ಬಂದಿದೆ.
