ಮಕ್ಕಾ: ಮಸ್ಜಿದ್-ಉಲ್-ಹರಮ್‌ನ ಸುತ್ತಲೂ ಮರಗಳನ್ನು ನೆಡುವ ಮೂಲಕ ‘ಗ್ರೀನ್ ಹರಮ್ ಸ್ಕ್ವೇರ್’ ಯೋಜನೆಯು ಪ್ರಾರಂಭಗೊಂಡಿದೆ. ಎರಡು ಹರಂ ಗಳ ಕಾರ್ಯಾಲಯದ ಮುಖ್ಯಸ್ಥ ಶೇಖ್ ಡಾ. ಅಬ್ದುರ್ರಹ್ಮಾನ್ ಅಲ್ ಸುದೈಸ್ ಈ ಯೋಜನೆಯನ್ನು ಉದ್ಘಾಟಿಸಿದರು. ಸೌದಿ ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಘೋಷಿಸಿದ ಗ್ರೀನ್ ಸೌದಿ ಇನಿಶಿಯೇಟಿವ್‌ನ ಒಂದು ಭಾಗವಾಗಿ ಹಸಿರೀಕರಣದ ಯೋಜನೆಯನ್ನು ಜಾರಿಗೆ ತರಲಾಗಿದೆ ಎಂದು ಶೇಖ್ ಸುದೈಸ್ ಹೇಳಿದ್ದಾರೆ.
ಸಮಗ್ರ ಆರ್ಥಿಕ ಸುಧಾರಣಾ ಯೋಜನೆಯಾದ ‘ವಿಷನ್ 2030’ ಮೂಲಕ ಸಸ್ಯವರ್ಗದ ಪ್ರದೇಶಗಳನ್ನು ರಕ್ಷಿಸಲು ಮತ್ತು ಹೆಚ್ಚಿಸಲು ಆಡಳಿತವು ಉದ್ದೇಶಿಸಿದೆ ಎಂದು ಅವರು ಹೇಳಿದ್ದಾರೆ. ಯೋಜನೆಯ ಅನುಷ್ಠಾನದಲ್ಲಿನ ಅಡೆತಡೆಗಳು ಮತ್ತು ಅವಶ್ಯಕತೆಗಳನ್ನು ಅಧ್ಯಯನ ಮಾಡಲು ಸಮಿತಿಯೊಂದನ್ನು ರಚಿಸುವಂತೆ ಈ ಹಿಂದೆ ಎರಡು ಹರಮ್ ನ ಕಾರ್ಯಾಲಯದ ಮುಖ್ಯಸ್ಥ ಸುದೈಸ್ ನಿರ್ದೇಶನ ನೀಡಿದ್ದರು.
ಪ್ರಸ್ತುತ ಸುಮಾರು 25 ಸ್ಥಳಗಳಲ್ಲಿರುವ 7,344.5 ಚದರ ಮೀಟರ್ ಖಾಲಿ ಭೂಮಿಯಲ್ಲಿ ಮರಗಳನ್ನು ನೆಡುವ ಯೋಜನೆಯನ್ನು ಉದ್ಘಾಟನೆಯ ಸಮಯದಲ್ಲಿ ಶೇಖ್ ಸುದೈಸ್ ಪರಿಶೀಲಿಸಿದ್ದಾರೆ.
