ಹಾಂಕಾಂಗ್ : ದೊಡ್ಡ ದೊಡ್ಡ ನಗರಗಳಲ್ಲಿ ಸೆಲೆಬ್ರಿಟಿಗಳು ದುಬಾರಿ ಮೌಲ್ಯದ ಅಪಾರ್ಟ್’ಮೆಂಟ್’ಗಳನ್ನು ಖರೀದಿಸಿದ ಸುದ್ದಿಗಳನ್ನು ನಾವು ದಿನನಿತ್ಯ ನೋಡುತ್ತೇವೆ. ಆದರೆ ಇದು ಹಾಗಲ್ಲ. ಹಾಂಕಾಂಗ್’ನಲ್ಲಿ ಅಪಾರ್ಟ್’ಮೆಂಟ್ ಒಂದು ಏಷ್ಯಾದಲ್ಲೇ ದುಬಾರಿ ಬೆಲೆಗೆ ಮಾರಾಟವಾಗಿದೆ.
ಹಾಂಕಾಂಗ್’ನ ಐಷಾರಾಮಿ ಐಲ್ಯಾಂಡ್ ಮೌಂಟ್ ನಿಕೋಲನ್ಸ್’ನಲ್ಲಿರುವ 4,544 ಚದರ ಅಡಿ ವಿಸ್ತೀರ್ಣದ ಅಪಾರ್ಟ್’ಮೆಂಟ್ ಬರೋಬ್ಬರಿ 611 ಕೋಟಿ ರುಪಾಯಿಗೆ ಮಾರಾಟವಾಗಿದೆ. ವಾರ್ಫ್ ಹೋಲ್ಡಿಂಗ್ಸ್ & ನ್ಯಾನ್ ಫಂಗ್ ಡೆವಲಪ್’ಮೆಂಟ್ ಲಿಮಿಟೆಡ್ ಕಂಪನಿಯು ಒಂದು ಚದರ ಅಡಿಗೆ 13.44 ಲಕ್ಷ ರುಪಾಯಿಯಂತೆ ಮಾರಾಟ ಮಾಡಿದ್ದು, ಇದು ಏಷ್ಯಾದಲ್ಲೇ ದುಬಾರಿಯಾಗಿದೆ.
ಹಾಂಕಾಗ್’ನ ದ್ವೀಪ ಪ್ರದೇಶದಲ್ಲಿರುವ ಈ ಅಪಾರ್ಟ್’ಮೆಂಟ್’ನಲ್ಲಿ ಪಾರ್ಕಿಂಗ್’ಗಾಗಿ ಮೂರು ಪ್ರತ್ಯೇಕ ಜಾಗಗಳಿವೆ. ಅತ್ಯಾಧುನಿಕ ಹಾಗೂ ಹತ್ತು ಹಲವು ಐಷಾರಾಮಿ ಸೌಲಭ್ಯಗಳನ್ನು ಈ ಅಪಾರ್ಟ್’ಮೆಂಟ್ ಹೊಂದಿದೆ. ಹಾಂಕಾಂಗ್’ನ ವಿಕ್ಟರ್ ಲೀ ಕಂಪನಿಯು ಒಂದು ಚದರ ಅಡಿಗೆ 1.36 ಹಾಂಕಾಂಗ್ ಡಾಲರ್’ಗೆ ಮಾರಾಟ ಮಾಡಿದ್ದು ಈ ಹಿಂದಿನ ದಾಖಲೆಯಾಗಿತ್ತು.
