ವಕೀಲ ವೃತ್ತಿಗೆ ರಾಜ್ಯದ ಪ್ರಪ್ರಥಮ ತೃತೀಯ ಲಿಂಗಿ

ಮೈಸೂರು : ಇಲ್ಲಿನ ಜಯನಗರ ನಿವಾಸಿಯಾಗಿರುವ ಶಶಿ ರಾಜ್ಯದಲ್ಲೇ ಪ್ರಥಮ ತೃತೀಯ ಲಿಂಗಿ ವಕೀಲೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಶಶಿಕುಮಾರ್ ಎಂಬ ಹೆಸರಿನ ನಾನು ಹತ್ತನೇ ತರಗತಿಯಲ್ಲಿದ್ದಾಗಲೇ ದೇಹದಲ್ಲಿ ಬದಲಾವಣೆ ಸಂಭವಿಸಿದ್ದು, ನಾನು ತೃತೀಯ ಲಿಂಗಿಯಾಗಿ ಗೋಚರಗೊಂಡಿದ್ದೇನೆ. ಆ ಬಳಿಕ ಅವಮಾನ, ಅಪಮಾನಗಳನ್ನೆಲ್ಲಾ ಎದುರಿಸಿ ನಾನು ಎಲ್ ಎಲ್ ಬಿಯಲ್ಲಿ ಯಶಸ್ವಿಯಾಗಿದ್ದೇನೆ ಎಂದು ಅವರು ತಿಳಿಸಿದ್ದಾರೆ.

ಈ ಸಂದರ್ಭದಲ್ಲಿ ತನ್ನ ವಿದ್ಯಾರ್ಥಿ ಜೀವನದಲ್ಲಿ ಸಹಕರಿಸಿದ ಸಹಪಾಠಿಗಳು ಮತ್ತು ಉಪನ್ಯಾಸಕರಿಗೆ ಅವರು ಧನ್ಯವಾದಗಳನ್ನು ಸಮರ್ಪಿಸಿದರು.

ತೃತೀಯ ಲಿಂಗಿಯಾಗಿ ರಾಜ್ಯದಲ್ಲೇ ಮೊದಲ ಬಾರಿಗೆ ಎಲ್ ಎಲ್ ಬಿ ಪೂರ್ತಿಗೊಳಿಸಿದ ಶಶಿ, ನಾನು ಪಟ್ಟ ಕಷ್ಟ ನೋವು ಯಾರೂ ಪಡಬಾರದು. ನಾನು ಸಮಾಜದಲ್ಲಿ  ತೃತೀಯ ಲಿಂಗಿಗಳ ಧ್ವನಿಯಾಗಿರಲು ಬಯಸುತ್ತೇನೆ ಎಂದು ಹೇಳಿದರು.