►ಶ್ಯಾಮ ಸುದರ್ಶನ ಭಟ್ಟನ ಕೀಳು ಮನಸ್ಥಿತಿಯ ಪ್ರದರ್ಶನ ಎಂದ ಕಾಂಗ್ರೆಸ್ ನಾಯಕಿ
ಮಂಗಳೂರು: ಮಾಜಿ ಕಾರ್ಪೋರೇಟರ್ , ಕೆಪಿಸಿಸಿ ಸಂಯೋಜಕಿ ಹಾಗೂ ಇತ್ತೀಚೆಗೆ ಟೋಲ್ ವಿರೋಧಿ ಹೋರಾಟ ಸಮಿತಿಯಲ್ಲಿ ಸಕ್ರಿಯವಾಗಿದ್ದ ಪ್ರತಿಭಾ ಕುಳಾಯಿ ಬಗ್ಗೆ , ಕಹಳೆ ನ್ಯೂಸ್ ಸಂಪಾದಕ ಶ್ಯಾಮ ಸುದರ್ಶನ ಭಟ್ ಹೊಸಮೂಲೆ ಎಂಬಾತ ಅವಾಚ್ಯ ಶಬ್ಧಗಳಿಂದ ಕಮೆಂಟ್ ಹಾಕಿದ್ದಾನೆ.
ಸುದ್ದಿಗೋಷ್ಠಿಯಲ್ಲಿ ಪ್ರತಿಭಾ ಕುಳಾಯಿ ಅವರು ತಮ್ಮ ವಿರುದ್ಧ ಕೆಲವು ಕುತ್ಸಿತ ಮನಸ್ಸಿನವರು ಸಾಮಾಜಿಕ ಮಾಧ್ಯಮದಲ್ಲಿ ಹಾಕಿರುವ ಬರಹಗಳನ್ನು ಪ್ರದರ್ಶಿಸಿ ಹರಿಹಾಯ್ದರು.
ಕೀರ್ತನ್ ಶೆಟ್ಟಿ ಅಡ್ಯಾರ್ ಪದವು ಎಂಬಾತ ಪ್ರತಿಭಾ ಕುಳಾಯಿ ಅವರನ್ನು ಟೋಲ್ ವಿರೋಧಿ ಹೋರಾಟದ ಸಂದರ್ಭದಲ್ಲಿ ಬಂಧಿಸುವ ಚಿತ್ರವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡು , ಇದಕ್ಕೊಂದು ಒಳ್ಳೆ ಟೈಟಲ್ ಕೊಡಿ ಫ್ರೆಂಡ್ಸ್ ಎಂದು ಪೋಸ್ಟ್ ಹಾಕಿದ್ದು, ಇದಕ್ಕೆ ಶ್ಯಾಮ ಸುದರ್ಶನ ಭಟ್ ಅವಾಚ್ಯವಾಗಿ ಕಮೆಂಟಿಸಿದ್ದಾನೆ.
ಈ ಬಗ್ಗೆ ಪ್ರತಿಕ್ರಯಿಸಿದ ಪ್ರತಿಭಾ ಕುಳಾಯಿ, ಸಂಘೀ ಶ್ಯಾಮ ಸುದರ್ಶನ ಭಟ್, ಕೆ. ಆರ್. ಶೆಟ್ಟಿ ಮೊದಲಾದವರು ಮಾನಗೆಟ್ಟಂತೆ ಟ್ರೋಲ್ ಮಾಡುತ್ತಿದ್ದಾರೆ. ಇದು ಬಿಜೆಪಿಯವರ ಹೊಲಸು ಮನಸ್ಥಿತಿಯನ್ನು ಎತ್ತಿ ತೋರಿಸುತ್ತದೆ. ಹತ್ತು ಜನ ಪೊಲೀಸರು ನನ್ನನ್ನು ಹೋರಾಟದ ವೇಳೆ ಎತ್ತೊಯ್ದ ಪೀಕಲಾಟ ಈ ಸಂಘಿಗಳಿಗೆ ತಮಾಷೆಯ ಸಂಗತಿ ಆಗಿರುವುದು ನೋಡಿದರೆ ಇವರ ಹೊಲಸು ಒಳ ಮುಖವು ಬಹಿರಂಗ ಆಗುತ್ತಿದೆ. ಈ ಬಗ್ಗೆ ಕಮಿಷನರನ್ನು ಭೇಟಿ ಮಾಡಿ ಭೇಟಿ ಮಾಡಿ ಲಿಖಿತ ದೂರು ನೀಡುವುದಾಗಿ ಪ್ರತಿಭಾ ಕುಳಾಯಿ ಹೇಳಿದ್ದಾರೆ.
