ಬೊಗೊಟಾ(ಕೊಲಂಬಿಯಾ): ವಾಹನಗಳು ಸಂಚರಿಸುತ್ತಿದ್ದಾಗಲೇ ಉಂಟಾದ ಭೂಕುಸಿತದಿಂದಾಗಿ ಕನಿಷ್ಠ 34 ಜನರು ಮೃತಪಟ್ಟಿರುವ ಘಟನೆ ಕೊಲಂಬಿಯಾಲ್ಲಿ ನಡೆದಿದೆ.
ಭಾನುವಾರ ಸಂಭವಿಸಿದ ಭೂಕುಸಿತದಲ್ಲಿ ಕ್ಯಾಲಿಯಿಂದ ಕಾಂಡೋಟೊಗೆ ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ಬಸ್, ಒಂದು ಕಾರು ಮತ್ತು ಮೋಟಾರ್‌ ಸೈಕಲ್ ರಿಸಾರಾಲ್ಡಾದ ಪಶ್ಚಿಮ-ಕೇಂದ್ರ ವಿಭಾಗದ ಪೆರೇರಾ-ಕ್ವಿಬ್ಡೊ ಹೆದ್ದಾರಿಯಲ್ಲಿ ಹೂತುಹೋಗಿವೆ ಎಂದು ಆಂತರಿಕ ಸಚಿವ ಅಲ್ಫೊನ್ಸೊ ಪ್ರಾಡಾ ಹೇಳಿದ್ದಾರೆ.
ಘಟನೆಯಲ್ಲಿ ಮೂವರು ಅಪ್ರಾಪ್ತರು ಸೇರಿದಂತೆ 34 ಮಂದಿ ಸಾವಿಗೀಡಾಗಿದ್ದಾರೆ. ಇನ್ನೂ ಒಂಬತ್ತು ಮಂದಿಯನ್ನು ರಕ್ಷಿಸಿದ್ದು, ಅವರಲ್ಲಿ ನಾಲ್ವರ ಸ್ಥಿತಿ ಗಂಭೀರವಾಗಿದೆ ಎಂದು ಪ್ರಾಡಾ ಹೇಳಿದ್ದಾರೆ.
ಕೊಲಂಬಿಯಾದ ಅಪಾಯ ನಿರ್ವಹಣಾ ಘಟಕದ ಸಿಬ್ಬಂದಿ ಮತ್ತು ಸಾರಿಗೆ ಸಚಿವಾಲಯದ ಸಾರಿಗೆ ಮತ್ತು ಸಾರಿಗೆ ನಿರ್ದೇಶನಾಲಯ, ಪೊಲೀಸ್ ಇಲಾಖೆ ಮತ್ತು ಮಿಲಿಟರಿ ರಕ್ಷಣೆಗೆ ಧಾವಿಸಿದೆ ಎಂದು ಅವರು ಹೇಳಿದರು.
ಪ್ರತಿಕೂಲ ಹವಾಮಾನ ಪರಿಸ್ಥಿತಿಗಳಲ್ಲಿ ರಸ್ತೆಗಳ ಸ್ಥಿತಿಯನ್ನು ನಿರ್ಧರಿಸಲು ಮಂಗಳವಾರದೊಳಗೆ ರಾಜಧಾನಿ ಬೊಗೊಟಾದಲ್ಲಿ ರಾಷ್ಟ್ರೀಯ ಏಕೀಕೃತ ಕಮಾಂಡ್ ಪೋಸ್ಟ್ ಅನ್ನು ಸ್ಥಾಪಿಸಲು ಅಧ್ಯಕ್ಷ ಗುಸ್ಟಾವೊ ಪೆಟ್ರೋ ಆದೇಶಿಸಿದ್ದಾರೆ ಎಂದು ಅವರು ಹೇಳಿದರು.
