ಕೋಟಿಗಳ ವಂಚನೆ: ಚಿಟ್ ಫಂಡ್ ಡೈರೆಕ್ಟರ್ ಬಂಧನ

ಬೆಂಗಳೂರು: ಚಿಟ್ ಫಂಡ್ – ಫೈನಾನ್ಸ್ ಹೆಸರಲ್ಲಿ ಕೋಟಿಗಳ ವಂಚನೆ ಮಾಡಿದ ಆರೋಪದ ಮೇಲೆ ಪಂಚಮುಖಿ ಚಿಟ್ ಫಂಡ್ ಡೈರೆಕ್ಟರ್ ಅನಂತರಾಮ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ಅನಂತರಾಮ್ 2009 ರಲ್ಲಿ ಪಂಚಮುಖಿ ಚಿಟ್ ಫಂಡ್ ತೆರೆದಿದ್ದು, ಚಿಟ್ ,ಫೈನಾನ್ಸ್, ವಾಹನ ಸಾಲ ಮುಂತಾದ  ಹಲವು ರೀತಿಯ ವ್ಯವಹಾರ ಮಾಡುತ್ತಿದ್ದ. 400 ಗ್ರಾಹಕರು  ಈ ಸಂಸ್ಥೆಯ ಸದಸ್ಯತ್ವ ಹೊಂದಿದ್ದರು. ಇದೀಗ ಸರಿಸುಮಾರು  30 ಕೋಟಿಯಷ್ಟು ಹಣವನ್ನು ವಂಚಿಸಿದ ಆರೋಪಿ ಕಳೆದ 10 ದಿನಗಳ ಹಿಂದೆ ಚಿಟ್ ಫಂಡ್ಗೆ ಬಾಗಿಲು ಹಾಕಿ ಪರಾರಿಯಾಗಿದ್ದ.

ವರ್ಷಕ್ಕೆ 24% ಬಡ್ಡಿ ಆಸೆ ತೋರಿಸಿ ವಂಚಿಸಿರುವ ಆರೋಪಿ ಅನಂತರಾಮ್ ನನ್ನು ಗ್ರಾಹಕರ ದೂರಿನ ಹಿನ್ನೆಲೆಯಲ್ಲಿ ಬಂಧಿಸಿರುವ  ಬನಶಂಕರಿ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.