ನವದೆಹಲಿ: ಚೈನಾ ಬೆಂಬಲಿತ ಹ್ಯಾಕರ್ಸ್ ಗಳು ಲಡಾಖ್ ನಲ್ಲಿರುವ ವಿದ್ಯುತ್ ಸರಬರಾಜು ಕೇಂದ್ರಗಳನ್ನು ಗುರಿಯಾಗಿಸಿ ಸೈಬರ್ ದಾಳಿಗಳನ್ನು ನಡೆಸಿರುವುದಾಗಿ ವರದಿಯಿಂದ ಬಹಿರಂಗವಾಗಿದೆ.
ಸದ್ಯ ಗಡಿ ಭಾಗಗಳಲ್ಲಿ ಭಾರತ ಮತ್ತು ಚೈನಾ ಸೇನಾಪಡೆ ಗಸ್ತು ಮುಂದುವರಿಸಿದ್ದು, ಕಳೆದ ಎಂಟು ತಿಂಗಳಲ್ಲಿ ಸೈಬರ್ ದಾಳಿ ನಡೆದಿರುವುದಾಗಿ ‘ರೆಕಾರ್ಡೆಡ್ ಫ್ಯೂಚರ್’ ಸಂಸ್ಥೆ ತಿಳಿಸಿದೆ.
ಭಾರತದ ಕನಿಷ್ಠ 7 ವಿದ್ಯುತ್ ರವಾನೆ ಕೇಂದ್ರಗಳನ್ನು ಹ್ಯಾಕರ್ಸ್ ಗಳು ಗುರಿಯಾಗಿಸಿರುವುದನ್ನು ಪತ್ತೆಹಚ್ಚಲಾಗಿದೆ. ಪವರ್ ಗ್ರಿಡ್ ಮತ್ತು ವಿದ್ಯುತ್ ಸರಬರಾಜಿನ ಮೇಲೆ ನಿಯಂತ್ರಣ ಸಾಧಿಸುವ ಪ್ರಯತ್ನ ನಡೆಸಲಾಗಿದೆ. ಈ ವೇಳೆ ಲಡಾಖ್ ಸಮೀಪದ ವಿದ್ಯುತ್ ರವಾನೆ ಕೇಂದ್ರಗಳನ್ನು ಗುರಿಯಾಗಿಸಲಾಗಿದೆ. ಕಳೆದ ಅಗಸ್ಟ್ ನಿಂದ ಈ ವರ್ಷದ ಮಾರ್ಚ್ ವರೆಗೆ ಸೈಬರ್ ದಾಳಿ ನಡೆದಿರುವುದು ಬಹಿರಂಗವಾಗಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.
ಮಾತ್ರವಲ್ಲ ಭಾರತದ ಅತ್ಯಗತ್ಯ ಮೂಲಸೌಕರ್ಯ ವ್ಯವಸ್ಥೆಯ ಕುರಿತು ಚೈನಾದ ಹ್ಯಾಕರ್ಸ್ ಗಳು ಮಾಹಿತಿ ಶೇಖರಿಸುತ್ತಿರುವುದಾಗಿ ರೆಕಾರ್ಡೆಡ್ ಫ್ಯೂಚರ್ ಸಂಸ್ಥೆ ತನ್ನ ವರದಿಯಲ್ಲಿ ತಿಳಿಸಿದೆ.
ಈ ನಡುವೆ ಭಾರತ ಮತ್ತು ಚೈನಾ ಸುಮಾರು 3500 ಕಿ.ಮೀ ಉದ್ದದ ಗಡಿಯನ್ನು ಹಂಚಿದೆ. 2020 ರ ಜೂನ್ ನಲ್ಲಿ ಲಡಾಖ್ ನ ಗಾಲ್ವನ್ ಕಣಿವೆಯಲ್ಲು ಭಾರತ – ಚೈನಾ ಸೈನಿಕರ ಮಧ್ಯೆ ಘರ್ಷನೆ ನಡೆದಿತ್ತು ಮತ್ತು ಭಾರತದ ಹತ್ತಾರು ಸೈನಿಕರು ಹುತಾತ್ಮರಾಗಿದ್ದರು.
