ಹೃದಯಾಘಾತದಿಂದ ವಧು ಸಾವು: ತಂಗಿಯನ್ನೇ ವರಿಸಿದ ವರ

ಗಾಂಧಿನಗರ: ಮದುವೆ ದಿನವೇ ಹೃದಯಾಘಾತದಿಂದ ವಧುವೊಬ್ಬಳು ಮೃತಪಟ್ಟಿದ್ದು, ಅದೇ ವೇದಿಕೆಯಲ್ಲಿ ವಧುವಿನ ತಂಗಿಗೆ ವರ ತಾಳಿ ಕಟ್ಟಿದ ಘಟನೆ ಗುಜರಾತಿನ ಸುಭಾಷ್ ನಗರದ ಭಾವನಗರದಲ್ಲಿ ನಡೆದಿದೆ.

ಹೇತಾಲ್ ಹಾಗೂ ವಿಶಾಲ್ ಅವರಿಬ್ಬರಿಗೂ ಮದುವೆ ನಡೆಯುತ್ತಿತ್ತು. ಮದುವೆಯ ವಿಧಿವಿಧಾನಗಳನ್ನು ನಡೆಸುತ್ತಿದ್ದಾಗ ಹೇತಾಲ್ ತಲೆ ಸುತ್ತಿ ಬಿದ್ದಿದ್ದಾಳೆ. ತಕ್ಷಣ ಆಕೆಯನ್ನು ಸಮೀಪದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಆದರೆ ಅಲ್ಲಿ ಹೇತಾಲ್ ಹೃದಯಾಘಾತದಿಂದ ಮೃತಪಟ್ಟಿರುವುದಾಗಿ ವೈದ್ಯರು ಘೋಷಿಸಿದ್ದಾರೆ.

ಹೇತಾಲ್ ನ ಸಾವಿನಿಂದ ಕುಟುಂಬ ಶೋಕದಲ್ಲಿದ್ದರೂ ಮದುವೆಯ ಆಚರಣೆಯನ್ನು ಮುಂದುವರಿಸಲು ನಿರ್ಧರಿಸಿದ್ದಾರೆ. ಇದರಿಂದಾಗಿ ಹೇತಾಲ್’ನ ತಂಗಿಗೆ ಅದೇ ವೇದಿಕೆಯಲ್ಲಿ ವಿಶಾಲ್ ತಾಳಿ ಕಟ್ಟಿದ್ದಾನೆ.