ಬಿಜೆಪಿಯ ನಕಲಿ ಗೋಪ್ರೇಮ ಅನಾವರಣ: ಕಾಂಗ್ರೆಸ್ ಟೀಕೆ

ಬೆಂಗಳೂರು: ಬಿಜೆಪಿ ಸರ್ಕಾರದ ನಕಲಿ ಗೋಪ್ರೇಮ ಅನಾವರಣವಾಗಿದೆ ಎಂದು ಕಾಂಗ್ರೆಸ್ ವ್ಯಂಗ್ಯವಾಡಿದೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಕಾಂಗ್ರೆಸ್, ಜಾನುವಾರುಗಳ ಚರ್ಮಗಂಟು ರೋಗ ನಿರ್ವಹಣೆಯಲ್ಲಿ ಸಂಪೂರ್ಣ ವಿಫಲವಾಗಿರುವ ರಾಜ್ಯ ಬಿಜೆಪಿ ಸರ್ಕಾರದ ನಕಲಿ ಗೋಪ್ರೇಮ ಅನಾವರಣವಾಗಿದೆ. 40% ಕಮಿಷನ್ ಗಾಗಿ ಪಶು ಅಂಬುಲೆನ್ಸ್ ಖರೀದಿಸಿ ಮೂಲೆಗೆ ತಳ್ಳಲಾಗಿದೆ. ಹುದ್ದೆ ಮಾರಾಟಕ್ಕಾಗಿ ಸಿಬ್ಬಂದಿ ನೇಮಕಕ್ಕೆ ಹಿಂದೇಟು ಹಾಕಲಾಗಿದೆ. ಬಿಜೆಪಿ ಗೋರಕ್ಷಕರು ಈ ಅವ್ಯವಸ್ಥೆಯ ಬಗ್ಗೆ ಮಾತಾಡುತ್ತಿಲ್ಲವೇಕೆ ಎಂದು ಟೀಕಾ ಪ್ರಹಾರ ನಡೆಸಿದೆ.