ನವದೆಹಲಿ: ಕಾಡೆಮ್ಮೆಯೊಂದು ಆಟೋ ರಿಕ್ಷಾದ ಮೇಲೆ ದಾಳಿ ಮಾಡಿ ಕಾಡಿನತ್ತ ಹಿಂದಿರುಗಿದ ವೀಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಆಟೋ ರಿಕ್ಷಾ ತನ್ನ ಪಾಡಿಗೆ ತಾನು ನಿಂತಿದೆ. ಕಾಡೆಮ್ಮೆಯೊಂದು ಆಕ್ರಮಣಕಾರಿ ರೀತಿಯಲ್ಲಿ ಆಟೋರಿಕ್ಷಾಕ್ಕೆ ತೀವ್ರವಾಗಿ ಗುದ್ದಿ ಓಡಿಹೋಗಿದೆ. ದಾಳಿಯಿಂದ ರಿಕ್ಷಾದಲ್ಲಿದ್ದವರಿಗೆ ಯಾವುದೇ ರೀತಿಯಾ ಪ್ರಾಣಾಪಾಯ ಸಂಭವಿಸಿಲ್ಲ ಎಂದು ತಿಳಿದು ಬಂದಿದೆ.

ವೈಲ್ಡ್ ಲೆನ್ಸ್ ಇಕೋ ಎಂಬ ಟ್ವಿಟರ್ ಖಾತೆ ಹಂಚಿಕೊಂಡ ಈ ವೀಡಿಯೋ ಪೋಸ್ಟ್ ನಲ್ಲಿ ಐಎಫ್ ಎಸ್ ಅಧಿಕಾರಿಗಳಾದ ಸುಸಾಂತ ನಂದಾ ಮತ್ತು ಪರ್ವೀನ್ ಕಸ್ವಾನ್ ಅವರನ್ನು ಟ್ಯಾಗ್ ಮಾಡಲಾಗಿದೆ. ಈ ಕಾಡೆಮ್ಮೆಯು ಪೊದೆಗಳತ್ತ ಚಲಿಸಲು ಹೊರಟಿದ್ದು, ಒಂದು ಕ್ಷಣ ನಿಲ್ಲುತ್ತದೆ. ಎದುರಿಗಿದ್ದ ಆಟೋ ಮೇಲೆ ಇದ್ದಕ್ಕಿದ್ದಂತೆ ದಾಳಿ ಮಾಡುತ್ತದೆ ಎಂದು ಬರೆಯಲಾಗಿದೆ.