ಏಷಿಯಾದ ಪ್ರತಿಷ್ಠಿತ ಫೋರ್ಬ್ಸ್ 30ರ ಪಟ್ಟಿಯಲ್ಲಿ ಸ್ಥಾನ ಪಡೆದ ಬೆಂಗಳೂರಿನ ವಿಭಾ ಹರೀಶ್‌

Prasthutha|

ಬೆಂಗಳೂರು: ಉದ್ಯಮದಲ್ಲಿ ಸಾಧನೆ ಮಾಡಿದ 30 ವರ್ಷ ಒಳಗಿನ ಯುವ ಪ್ರತಿಭೆಗಳನ್ನು ಗುರುತಿಸುವ ಪ್ರತಿಷ್ಠಿತ “ಏಷಿಯಾ ಪೋರ್ಬ್ಸ್” (ಅಂಡರ್‌ 30) ತನ್ನ ಪಟ್ಟಿ ಬಿಡುಗಡೆ ಮಾಡಿದ್ದು, ಅದರಲ್ಲಿ ನಗರದ ಯುವ ಉದ್ಯಮಿ ವಿಭಾ ಹರೀಶ್ ಅವರು ಆಯ್ಕೆಯಾಗುವ‌ ಮೂಲಕ ದೇಶಕ್ಕೆ ಕೀರ್ತಿ ತಂದುಕೊಟ್ಟಿದ್ದಾರೆ.

- Advertisement -

ವಿಶ್ವಾದ್ಯಂತ ಸಾವಿರಾರು ಅರ್ಜಿಗಳು ಸಲ್ಲಿಕೆಯಾಗಿತ್ತು. ಅದರ ನಡುವೆಯೂ ವಿಭಾ ಹರೀಶ್‌ ಅವರ ಸಾಧನೆಯನ್ನು ಗುರುತಿಸಿರುವ ಫೋರ್ಬ್ಸ್, ಇವರ ಸಂಸ್ಥೆಯ ವಿಶೇಷತೆಯಿಂದ ಇವರನ್ನು ಆಯ್ಕೆ ಮಾಡಿದೆ.

25 ವರ್ಷ ವಯಸ್ಸಿನ‌ ವಿಭಾ ಅವರು, ಸಣ್ಣ ವಯಸ್ಸಿನಲ್ಲಿಯೇ “ಕಾಸ್ಮಿಕ್ಸ್” ಎಂಬ ಸ್ಟಾರ್ಟ್‌ಅಪ್‌ ಪ್ರಾರಂಭಿಸಿದ್ದಾರೆ, ಈ ಸಂಸ್ಥೆ ಮೂಲಕ ಅವರು ಆರೋಗ್ಯ ಸಂಬಂಧಿತ ನ್ಯೂಟ್ರೀಷಿಯನ್ಸ್, ಸಪ್ಲಿಮೆಂಟ್ಸ್‌ಗಳನ್ನು ತಯಾರು ಮಾಡಿ, ಜನರ ಆರೋಗ್ಯ ಕಾಪಾಡುವಲ್ಲಿ ಈ ಸ್ಟಾರ್ಟ್‌ಅಪ್ಸ್‌ ಕೆಲಸ ಮಾಡುತ್ತಿದೆ.

- Advertisement -

ವಿಶ್ವದಲ್ಲಿ ಕೋವಿಡ್‌ನ ಮೊದಲ ಅಲೆ ಪ್ರಾರಂಭವಾಗುವುದಕ್ಕೂ ಮೊದಲೇ ಕಾಸ್ಮಿಕ್ಸ್ ಸಂಸ್ಥೆ ಹುಟ್ಟಿಕೊಂಡಿತು. ಅತ್ಯಂತ ಕಡಿಮೆ ಅವಧಿಯಲ್ಲಿಯೇ ಬ್ರಾಂಡ್‌ ಆಗಿ ಹೊರಹೊಮ್ಮಿರುವ ಈ ಸಂಸ್ಥೆ, ದೇಶದೆಲ್ಲೆಡೆ ಹೆಸರು ಪಡೆದುಕೊಳ್ಳುತ್ತಿದೆ. ಈ ಸಂದರ್ಭದಲ್ಲಿ ನ್ಯೂಟ್ರೀಷಿಯನ್ ಆಹಾರ ಸೇವನೆ ಅತ್ಯಂತ ಅವಶ್ಯಕ. ಹೀಗಾಗಿ ಒವರ ಸಂಸ್ಥೆಯ ಗುಣಮಟ್ಟದ ಉತ್ಪಾದನೆಗೆ ಎಲ್ಲಿಲ್ಲದ ಬೇಡಿಕೆ ಬರುತ್ತಿದೆ. ಹೀಗಾಗಿ ಆನ್‌ಲೈನ್ ಮೂಳವೂ ಇವರ ಪದಾರ್ಥಗಳು ಲಭ್ಯವಿದೆ.

ಪ್ರಸ್ತುತ ಕೋವಿಡ್‌ ಎರಡನೇ ಅಲೆ ಅಪ್ಪಳಿಸುತ್ತಿದೆ. ಹೀಗಾಗಿ ಈ ಸಂಸ್ಥೆ ವತಿಯಿಂದ ಗ್ರಾಮೀಣ ಭಾಗದ ಅಂಗನವಾಡಿ‌ ಮಕ್ಕಳಿಗೆ ಸ್ಪಿರುಲಿನ ಮಾತ್ರೆಗಳನ್ನು ನೀಡಲಾಗುತ್ತಿದೆ. ಇದರಿಂದ ಮಕ್ಕಳಲ್ಲಿ ಅಪೌಷ್ಠಿಕತೆ ಕಡಿಮೆಯಾಗಿ, ದೇಹದಲ್ಲಿ ರೋಗ ನಿರೋಧಕ‌ಶಕ್ತಿ ಹೆಚ್ಚಳಕ್ಕೆ ಸಹಕಾರಿಯಾಗಲಿದೆ.

Join Whatsapp