ಕಾಬೂಲ್: ಅಫ್ಘಾನಿಸ್ತಾನವನ್ನು ತಾಲಿಬಾನ್ ಬಂಡುಕೋರರು ಸಂಪೂರ್ಣವಾಗಿ ವಶಪಡಿಸಿಕೊಂಡ ಹಿನ್ನೆಲೆಯಲ್ಲಿ ಉಂಟಾದ ಘರ್ಷಣೆ ವೇಳೆ ನಡೆದ ಗುಂಡಿನ ದಾಳಿಯಿಂದಾಗಿ ಕನಿಷ್ಠ 5 ಮಂದಿ ಹತರಾಗಿದ್ದಾರೆಂದು ಸೋಮವಾರ ಮಾಧ್ಯಮಗಳು ವರದಿ ಮಾಡಿವೆ.
- Advertisement -
ಘಟನೆಯ ಹಿನ್ನೆಲೆಯಲ್ಲಿ ಭಯಬೀತರಾದ ಸಾವಿರಾರು ಅಫ್ಘಾನ್ ನಾಗರೀಕರು ಯುದ್ಧಪೀಡಿತ ಅಫ್ಘಾನ್ ನಿಂದ ಹೊರ ಹೋಗುವ ಭರವಸೆಯೊಂದಿಗೆ ವಿಮಾನ ನಿಲ್ದಾಣದ ಸುತ್ತಮುತ್ತಲು ಓಡಾಡುತ್ತಿದ್ದರು.
ಇಂದು ಮುಂಜಾನೆ ಅಮೇರಿಕಾ ಮತ್ತು ಮಿತ್ರ ಪಡೆಗಳು ಕಾಬೂಲ್ ವಿಮಾನ ನಿಲ್ದಾಣದಲ್ಲಿ ನೆರೆದಿದ್ದ ಗುಂಪನ್ನು ಚದುರಿಸುವ ಸಲುವಾಗಿ ನಡೆಸಿದ ಗುಂಡು ಹಾರಾಟದಲ್ಲಿ ಕನಿಷ್ಠ 5 ಮಂದಿ ಹತರಾಗಿದ್ದಾರೆಂದು ವರದಿಯಾಗುತ್ತಿದೆ. ಅಫ್ಘಾನ್ ವಾಯುಪ್ರದೇಶವನ್ನು ಮುಚ್ಚಿರುವುದರಿಂದ ಅಫ್ಘಾನಿಸ್ತಾನದಾದ್ಯಂತ ವಿಮಾನದ ಹಾರಾಟಗಳನ್ನು ಸ್ಥಗಿತಗೊಳಿಸಲಾಗಿದೆ.
- Advertisement -
ಈ ನಿಟ್ಟಿನಲ್ಲಿ ಭಾರತಕ್ಕೆ ಪ್ರಯಾಣ ಬೆಳೆಸಬೇಕಾಗಿದ್ದ ಏರ್ ಇಂಡಿಯಾ ವಿಮಾನವನ್ನು ತಡೆ ಹಿಡಿಯಲಾಗಿದೆಯೆಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.
