ಸುಳ್ಯ: ಬಿಜೆಪಿ ಯುವ ಮೋರ್ಚಾ ಕಾರ್ಯಕರ್ತ ಪ್ರವೀಣ್ ನೆಟ್ಟಾರ್ ಹತ್ಯೆಯ ಆರೋಪಿಗಳೆಂದು ಬಿಂಬಿಸಿ ಬಂಧಿಸಲಾಗಿರುವ ಶಫೀಕ್ ಬೆಳ್ಳಾರೆಯವರು ಕೆಲಸ ನಿರ್ವಹಿಸುತ್ತಿದ್ದ ಗುತ್ತಿಗಾರಿನ ಅಂಗಡಿ ಸೇರಿದಂತೆ ಐದಾರು ಅಂಗಡಿಗಳ ಮೇಲೆ ಹಿಂದುತ್ವ ಮತಾಂಧರು ದಾಳಿ ಮಾಡಿ, ಲೂಟಿ ಮಾಡಿದ್ದಾರೆ ಎನ್ನಲಾಗಿದೆ.

ಬಂಧಿತ ಶಫೀಕ್ ಅವರು ಅಬೂಬಕ್ಕರ್ ಬೆಳ್ಳಾರೆ ಎನ್ನುವವರ ಮಾಲೀಕತ್ವದ ಪ್ರಗತಿ ಎಂಟರ್’ಪ್ರೈಸಸ್ ಎಂಬ ಅಡಿಕೆ ಅಂಗಡಿಯಲ್ಲಿ ಕೆಲಸಕ್ಕಿದ್ದರು. ಅಡಿಕೆ ಅಂಗಡಿಯ ಮೇಲೆ ದಾಳಿ ಮಾಡಿರುವ ಮತಾಂಧ ಶಕ್ತಿಗಳು ಅಲ್ಲಿದ್ದ ವಸ್ತುಗಳನ್ನು ಚೆಲ್ಲಾಡಿದ್ದಾರೆ. ಆ ಬಳಿಕ ಪಕ್ಕದಲ್ಲೇ ಇದ್ದ ಚಪ್ಪಲಿ ಅಂಗಡಿಯ ಮೇಲೂ ದಾಳಿ ಮಾಡಿದ ದುಷ್ಕರ್ಮಿಗಳು ಅಲ್ಲಿದ್ದ ಶೂ, ಚಪ್ಪಲಿಗಳನ್ನು ಲೂಟಿ ಮಾಡಿ ಕೆಲ ವಸ್ತುಗಳನ್ನು ಹೊರ ಹಾಕಿ ಬೆಂಕಿ ಹಚ್ಚಿದ್ದಾರೆ.