ಮಗು ಮಾರಾಟ ಮಾಡುತ್ತಿದ್ದ ತಾಯಿ ಸೇರಿದಂತೆ ಒಂಬತ್ತು ಮಂದಿಯ ಬಂಧನ

ಚೆನ್ನೈ: ಮಗುವನ್ನು ಮಾರಾಟ ಮಾಡುತ್ತಿದ್ದ ತಾಯಿ ಸೇರಿದಂತೆ ಒಂಬತ್ತು ಮಂದಿಯನ್ನು ತಮಿಳುನಾಡು ಪೊಲೀಸರು ವಿರುದುನಗರದಲ್ಲಿ ಬಂಧಿಸಿದ್ದಾರೆ.

ವಿರುದುನಗರ ಜಿಲ್ಲೆಯ ಸುಳಕ್ಕರೈ ಗ್ರಾಮಾಧಿಕಾರಿಯೊಬ್ಬರು ಮಹಿಳೆಯೊಬ್ಬರು ತನ್ನ ಒಂದು ವರ್ಷದ ಹೆಣ್ಣು ಮಗುವನ್ನು ಮಾರಾಟ ಮಾಡಿದ್ದಾರೆ ಎಂದು ಪೊಲೀಸರಿಗೆ ದೂರು ನೀಡಿದ ನಂತರ ಈ ಘಟನೆ ಪತ್ತೆಯಾಗಿದೆ.

ವಿರುದುನಗರ ಜಿಲ್ಲೆಯ ಸುಲಕ್ಕರೈ ಪ್ರದೇಶದ 25 ವರ್ಷದ ಕಲೈಸೆಲ್ವಿ ಎಂಬ ಮಹಿಳೆ ತನ್ನ ಒಂದು ವರ್ಷದ ಹೆಣ್ಣು ಮಗುವನ್ನು ಮಧುರೈ ದಂಪತಿಗೆ 2.5 ಲಕ್ಷ ರೂ.ಗೆ ಮಾರಾಟ ಮಾಡಿದ್ದಳು. ಪೊಲೀಸರು ಶಿಶುವನ್ನು ರಕ್ಷಿಸಿದ್ದಾರೆ ಮತ್ತು ಮಗುವನ್ನು ಖರೀದಿಸಿದ ದಂಪತಿಗಳು ಸೇರಿದಂತೆ ಒಂಬತ್ತು ಜನರನ್ನು ಬಂಧಿಸಿದ್ದಾರೆ.