March 1, 2021

1.1 ಲಕ್ಷ ಮೌಲ್ಯದ ಆ್ಯಪಲ್​ ಐಫೋನ್​ ಆರ್ಡರ್​ ಮಾಡಿದವಳಿಗೆ ಬಂದಿದ್ದೇನು?

ಬೀಜಿಂಗ್: ಆನ್​ಲೈನ್​ನಲ್ಲಿ ಚಂದ ಕಾಣುವ ಬಟ್ಟೆಯನ್ನು ಆರ್ಡರ್​ ಮಾಡಿದರೆ ಹರಕು ಬಟ್ಟೆ ಮನೆಗೆ ಬರುವ ಎಷ್ಟೋ ಸುದ್ದಿಗಳನ್ನು ಕೇಳಿರುತ್ತೀರಿ. ಆದರೆ ಇತ್ತೀಚೆಗೆ ಬಿಡುಗಡೆಯಾಗಿರುವ 1.1 ಲಕ್ಷ ಮೌಲ್ಯದ ಐಫೋನ್​ ಆರ್ಡರ್​ ಮಾಡಿದ ಮಹಿಳೆಗೆ ಬಂದಿದ್ದು ಆ್ಯಪಲ್​ ಜ್ಯೂಸ್​!

ಚೀನಾದ ಲಿಯು ಈ ರೀತಿ ಮೋಸಕ್ಕೆ ಒಳಗಾದ ಮಹಿಳೆಯಾಗಿದ್ದಾಳೆ. ಆ್ಯಪಲ್ ಸಂಸ್ಥೆ ಇತ್ತೀಚೆಗೆ ಬಿಡುಗಡೆ ಮಾಡಿದ ಐಫೋನ್​ 12 ಪ್ರೋ ಮ್ಯಾಕ್ಸ್​ ಫೋನನ್ನು ಆ್ಯಪಲ್ ​ನ ಅಧಿಕೃತ ವೆಬ್​ಸೈಟ್​ನಲ್ಲಿ ಈ ಮಹಿಳೆ ಆರ್ಡರ್ ಮಾಡಿದ್ದಳು. ಅದಕ್ಕಾಗಿ 1500 ಡಾಲರ್​ ಅಂದರೆ ಸರಿ ಸುಮಾರು 1.10 ಲಕ್ಷ ರೂಪಾಯಿಯನ್ನು ಅವಳು ಪಾವತಿ ಮಾಡಿದ್ದಳು.

ಫೋನ್​ ಆರ್ಡರ್​ ಮಾಡಿದ ನಂತರ ಆ ಫೋನಿನ ಬರುವಿಕೆಗಾಗಿ ಲಿಯು ಕಾದು ಕುಳಿತಿದ್ದಳು. ನಿಗದಿತ ದಿನದಂದು ಫೋನು ಆಕೆಯ ಮನೆಗೆ ಬಂದು ತಲುಪಿದೆ. ಆದರೆ ಫೋನಿರಬೇಕಿದ್ದ ಜಾಗದಲ್ಲಿ ಆ್ಯಪಲ್ ​ ಜ್ಯೂಸ್​ ಕಂಡಿದೆ. ದುಬಾರಿ ಬೆಲೆಯ ಫೋನಿನ ಬದಲಾಗಿ ಕನಿಷ್ಠ ಬೆಲೆಯ ಜ್ಯೂಸನ್ನು ಪಾರ್ಸೆಲ್​ ಮಾಡಲಾಗಿದೆ.

ಈ ವಿಚಾರವನ್ನು ಮಹಿಳೆ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾಳೆ. ಆದರೆ ಆ್ಯಪಲ್ ಸಂಸ್ಥೆ ಮತ್ತು ಪಾರ್ಸೆಲ್​ನಲ್ಲಿ ತಂದುಕೊಟ್ಟ ಎಕ್ಸ್ ಪ್ರೆಸ್ ಮೇಲ್ ಸಂಸ್ಥೆಯು ತಾವು ಫೋನನ್ನೇ ಪಾರ್ಸೆಲ್ ಕಳುಹಿಸಿದ್ದಾಗಿ ವಾದಿಸಿವೆ. ಮಹಿಳೆಯು ನೇರವಾಗಿ ಮನೆಗೆ ಆರ್ಡರ್​ ಮಾಡದೆಯೇ ಪಾರ್ಸೆಲ್​ ಲಾಕರ್​ಗೆ ಆರ್ಡರ್​ ಮಾಡಿದ್ದಳು ಎನ್ನಲಾಗಿದೆ. ಈ ಕುರಿತಾಗಿ ಹೆಚ್ಚಿನ ವಿಚಾರಣೆ ನಡೆಸಲು ಎಕ್ಸ್ ಪ್ರೆಸ್ ಮೇಲ್ ಸಂಸ್ಥೆಯು ಪ್ರತ್ಯೇಕ ಸಿಬ್ಬಂದಿಯನ್ನು ನಿಯೋಜಿಸಿದೆ.

ನಿಮ್ಮ ಚಂದಾ ಹಣ ಪಾವತಿಸಲು ಈ ಕೆಳಗಿನ ಬಟನ್ ಮೇಲೆ ಕ್ಲಿಕ್ ಮಾಡಿ.

ಜನಪರ ಪತ್ರಿಕೋದ್ಯಮವನ್ನು ಬೆಂಬಲಿಸಿ
ಪ್ರಸ್ತುತದ ಬೆಳವಣಿಗೆಯಲ್ಲಿ ಪಾಲುದಾರರಾಗಿ
ಜನಸಾಮಾನ್ಯರ ಜ್ವಲಂತ ಸಮಸ್ಯೆಗಳಿಗೆ ಸದಾ ಮಿಡಿಯುತ್ತಾ, ಧ್ವನಿ ಇಲ್ಲದ ಸಮುದಾಯಗಳ ಧ್ವನಿಯಾಗುತ್ತಾ ಮಾಧ್ಯಮ ಲೋಕದಲ್ಲಿ ಸ್ವತಂತ್ರವಾಗಿ ಕಾರ್ಯಾಚರಿಸುತ್ತಿರುವ ಪ್ರಸ್ತುತಕ್ಕೆ ನಿಮ್ಮ ಪ್ರೋತ್ಸಾಹ, ಬೆಂಬಲ ಯಾವತ್ತೂ ಇರಲಿ. ಪ್ರಸ್ತುತಕ್ಕೆ ದೇಣಿಗೆ ನೀಡಲು ಬಯಸುವವರು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ ಮಾಡಿ ಹಣವನ್ನು ಪಾವತಿಸಬಹುದು.

ಧನ್ಯವಾದಗಳು

ಟಾಪ್ ಸುದ್ದಿಗಳು

ವಿಶೇಷ ವರದಿ

error: Content is protected !!