ಅಂಗನವಾಡಿಯಲ್ಲಿ ಅನ್ನದ ಬಿಸಿಗಂಜಿ ಬಿದ್ದು ಐವರು ಮಕ್ಕಳು ಸೇರಿ ಸಹಾಯಕಿಗೆ ಗಾಯ

ರಾಯಚೂರು: ಅಂಗನವಾಡಿ ಕೇಂದ್ರದಲ್ಲಿ ಅನ್ನದ ಗಂಜಿ ಬಿದ್ದು ಮಕ್ಕಳು ಹಾಗೂ ಸಹಾಯಕಿ ಗಾಯಗೊಂಡ ಘಟನೆ ಮಂಗಳವಾರಪೇಟೆಯಲ್ಲಿ‌ ನಡೆದಿದೆ.

ಆರಾನ್, ಹೀಬಾ, ಮುಹಮದ್, ಶೇಖ್ ಅದ್ನಾನ್, ಶೇಖ್ ಮಾರಿಯಮ್ ಗಾಯಗೊಂಡ ಮಕ್ಕಳು. ಆಯಾ ಲಕ್ಷ್ಮಿಗೂ ಸುಟ್ಟ ಗಾಯಗಳಾಗಿವೆ. ಎಲ್ಲರನ್ನೂ ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಅನ್ನ ಬಸಿಯಲು ಪಾತ್ರೆ ತೆಗೆದುಕೊಂಡು ಹೋಗುವಾಗ ಅನ್ನದ ಗಂಜಿ ಕೇಳಗೆ ಬಿದ್ದಿದೆ. ಈ ವೇಳೆ ಅಲ್ಲೇ ಇದ್ದ ನಾಲ್ಕು ಮಕ್ಕಳು ಹಾಗೂ ಆಯಾಗೆ ಸುಟ್ಟಗಾಯಗಳಾಗಿವೆ.