ರಸ್ತೆಯ ಗುಂಡಿಗೆ ಬಿದ್ದ ಕರು; ಸ್ಥಳೀಯರಿಂದ ರಕ್ಷಣೆ

ಚಿಕ್ಕಮಗಳೂರು: ರಸ್ತೆಯಲ್ಲಿರುವ  ಭಾರೀ ಗಾತ್ರದ ಗುಂಡಿಗೆ  ಕರುವೊಂದು ಬಿದ್ದ ಘಟನೆ  ಮೂಡಿಗೆರೆ ತಾಲೂಕಿನ ಬಣಕಲ್  ನಲ್ಲಿ ನಡೆದಿದೆ.

 ಬಣಕಲ್ ವಿಲೇಜ್ ರಸ್ತೆಯಲ್ಲಿರುವ ಗುಂಡಿಯೊಳಗೆ ಸಿಲುಕಿದ ಕರು ಗಂಟೆಗಟ್ಟಲೆ ನರಳಾಡಿದೆ. ಕೊನೆಗೆ ಇದನ್ನು ಗಮನಿಸಿದ ಸ್ಥಳೀಯರು 20 ನಿಮಿಷ ಕ್ಕೂ ಹೆಚ್ಚು ಕಾಲ ಹರಸಾಹಸ ಪಟ್ಟು ಕರು‌ವನ್ನು ರಕ್ಷಿಸಿದರು.

ಮಕ್ಕಳು, ಜನರು ಓಡಾಡುವ ರಸ್ತೆ ರಸ್ತೆಯಲ್ಲಿ ಭಾರೀ ಗಾತ್ರದ ಗುಂಡಿ ಬಿದ್ದಿದ್ದರೂ ಕ್ರಮಕೈಗೊಳ್ಳದ ಅಧಿಕಾರಿಗಳ ವಿರುದ್ಧ   ಸಾರ್ವಜನಿಕರು ಆಕ್ರೋಶಗೊಂಡರು.