ಬೆಲ್ಜಿಯಂ: ಕೇವಲ 11ನೇ ವಯಸ್ಸಿನಲ್ಲಿ ಪದವಿ ಶಿಕ್ಷಣ ಪೂರೈಸುವ ಮೂಲಕ ಬೆಲ್ಜಿಯಂನ ಒಸ್ಟೆಂಡ್ ನ ಲೌರೆಂಟ್​​ ಸಿಮೋನ್ಸ್ ಎಂಬ ಬಾಲಕ ದೊಡ್ಡ ಸಾಧನೆಯೊಂದನ್ನು ಮಾಡಿದ್ದಾನೆ.  ​

ಕೇವಲ 11ನೇ ವಯಸ್ಸಿನಲ್ಲಿ ಲೌರೆಂಟ್​​ ಸಿಮೋನ್ಸ್ ವಿಶ್ವವಿದ್ಯಾಲಯದಲ್ಲಿ ಪದವೀಧರ ಪ್ರಮಾಣ ಪತ್ರವನ್ನ ಪಡೆಯುವ ಮೂಲಕ ಜಗತ್ತಿನ ಎರಡನೇ ಅತೀ ಪುಟ್ಟ ಪದವೀಧರ ಎಂಬ ಸಾಧನೆಯನ್ನು ಮಾಡಿದ್ದಾನೆ.

ಈ ಪುಟಾಣಿ ಬಾಲಕ ಆಂಟ್ವರ್ಪ್ ವಿಶ್ವವಿದ್ಯಾಲಯದಲ್ಲಿ ಭೌತಶಾಸ್ತ್ರ ವಿಭಾಗದಲ್ಲಿ ಪದವಿಯನ್ನ ಪಡೆದಿದ್ದಾನೆ. ಸಾಮಾನ್ಯ ವಯಸ್ಸಿನ ವಿದ್ಯಾರ್ಥಿಗಳು 3 ವರ್ಷದ ವ್ಯಾಸಂಗದ ಬಳಿಕ ಡಿಗ್ರಿ ಪದವಿಯನ್ನು ಪಡೆದರೆ ಈ ಪುಟ್ಟ ಬಾಲಕ ಕೇವಲ 1 ವರ್ಷದಲ್ಲಿ ಈ ಪದವಿಯನ್ನ ಪಡೆದಿದ್ದು, ಶೇಕಡಾ 85ರಷ್ಟು ಅಂಕ ಸಂಪಾದಿಸಿದ್ದಾನೆ. 

ಸಿಮೋನ್ಸ್​ ಪದವಿ ಪಡೆದ ಜಗತ್ತಿನ ಎರಡನೇ ಅತೀ ಚಿಕ್ಕ ವಯಸ್ಸಿನ ವಿದ್ಯಾರ್ಥಿಯಾಗಿದ್ದಾನೆ. 1994ರಲ್ಲಿ ಮೈಕೆಲ್​ ಕೀರ್ನಿ ಎಂಬ ಹೆಸರಿನ 10 ವರ್ಷದ ಬಾಲಕ ದಕ್ಷಿಣ ಅಲಬಾಮಾ ವಿಶ್ವವಿದ್ಯಾಲಯದಲ್ಲಿ ಮಾನವಶಾಸ್ತ್ರ ವಿಭಾಗದಲ್ಲಿ ಪದವಿ ಪಡೆದಿದ್ದ.