ಕೊಡಗು: ಮನೆಗೆ ನುಗ್ಗಿದ ಕಾಡಾನೆ; ಮಹಿಳೆಯರು ಪ್ರಾಣಾಪಾಯದಿಂದ ಪಾರು

ಮಡಿಕೇರಿ: ಕಾಡಾನೆ ಮನೆಗೆ ನುಗ್ಗಿ ದಾಳಿ ನಡೆಸಿರುವ ಘಟನೆ ಸೊಮವಾರಪೇಟೆ ತಾಲೂಕಿನ ಗಣಗೂರು ಗ್ರಾಮದಲ್ಲಿ ನಡೆದಿದೆ.

ಇಂದು ಬೆಳಗ್ಗೆ 3-30ರ ಸುಮಾರಿಗೆ ಕಾಡಿನಿಂದ ಬಂದ ಆನೆ ಪಾರ್ವತಿ ಶೇಖರ್ ಎಂಬವರ ಮನೆಗೆ ನುಗ್ಗಿ ಶೇಖರಿಸಿಟ್ಟಿದ್ದ ಅಕ್ಕಿಯನ್ನು ಕಿಟಕಿ ಮೂಲಕ ಹೊರಎಳೆದು ತಿನ್ನಲು ಯತ್ನಿಸಿದೆ.

ಮನೆಯಲ್ಲಿ ಪಾರ್ವತಿ ಹಾಗೂ ಪಕ್ಕದ ಮನೆಯ ಇಬ್ಬರು ಮಹಿಳೆಯರು ಇದ್ದ ಸಂದರ್ಭ ಬಂದ ಕಾಡಾನೆಯನ್ನು ನೋಡಿ ಆತಂಕಗೊಂಡಿದ್ದು, ಪಾರ್ವತಿಶೇಖರ್ ಭಯದಲ್ಲಿ ಮನೆಯ ಲೈಟ್ ಆನ್ ಮಾಡಿದ್ದಾರೆ.   ಮಹಿಳೆಯರು ಕಿರುಚಿಕೊಂಡಾಗ ಆನೆ ಕಾಡಿನತ್ತ ತೆರಳಿದೆ. ದಾಳಿಯಿಂದ  ಕಿಟಕಿ ಬಾಗಿಲು ಗೋಡೆ ನಜ್ಜುಗುಜ್ಜಾಗಿದ್ದು, ಸದ್ಯ ಮಹಿಳೆಯರು  ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.