ನವದೆಹಲಿ: ಸುಪ್ರೀಂ ಕೋರ್ಟ್‌ನ ಮಾಜಿ ನ್ಯಾಯಮೂರ್ತಿ ರಂಜನಾ ದೇಸಾಯಿ ಅವರನ್ನು ಮುದ್ರಣ ಮಾಧ್ಯಮದ ಸ್ವಯಂ ನಿಯಂತ್ರಣದ ಕಾವಲುಗಾರ ಪ್ರೆಸ್ ಕೌನ್ಸಿಲ್ ಆಫ್ ಇಂಡಿಯಾದ ಅಧ್ಯಕ್ಷರನ್ನಾಗಿ ನೇಮಿಸಲಾಗಿದೆ. ನವೆಂಬರ್, 2021 ರಲ್ಲಿ ಕಚೇರಿಯನ್ನು ತೆರವು ಮಾಡಿದ ನಿವೃತ್ತ ನ್ಯಾಯಮೂರ್ತಿ CK ಪ್ರಸಾದ್ ಅವರ ಸ್ಥಾನವನ್ನು ರಂಜನಾ ಅಲಂಕರಿಸಿದ್ದಾರೆ.
- Advertisement -
ನ್ಯಾಯಮೂರ್ತಿ ದೇಸಾಯಿ ಅವರು ಪ್ರಸ್ತುತ ಭಾರತದ ಡಿಲಿಮಿಟೇಶನ್ ಆಯೋಗದ ಅಧ್ಯಕ್ಷರಾಗಿದ್ದಾರೆ. ಅವರ ನೇಮಕವನ್ನು ಲೋಕಸಭೆಯ ಸ್ಪೀಕರ್, ರಾಜ್ಯಸಭಾ ಅಧ್ಯಕ್ಷರು ಮತ್ತು ಅದರ ಸದಸ್ಯರು ಆಯ್ಕೆ ಮಾಡಿದ ಪಿಸಿಐನ ಒಬ್ಬ ಸದಸ್ಯರನ್ನು ಒಳಗೊಂಡ ಮೂರು ಸದಸ್ಯರ ಆಯ್ಕೆ ಸಮಿತಿಯು ಅನುಮೋದಿಸಿದೆ.
ಈ ಹಿಂದೆ ಅವರು ಮಹಾರಾಷ್ಟ್ರ ರಾಜ್ಯದ ಪಬ್ಲಿಕ್ ಪ್ರಾಸಿಕ್ಯೂಟರ್ ಆಗಿ ಮತ್ತು ಬಾಂಬೆ ಎಚ್‌ಸಿಯ ನ್ಯಾಯಾಧೀಶರಾಗಿ ಸೇವೆ ಸಲ್ಲಿಸಿದ್ದಾರೆ.
