ಮೆಕ್ಸಿಕೋ | ಉದ್ಘಾಟನೆಯ ಬೆನ್ನಲ್ಲೇ ಸೇತುವೆ ಕುಸಿತ; ಹಲವರಿಗೆ ಗಂಭೀರ ಗಾಯ

ಮೆಕ್ಸಿಕೋ: ಮೆಕ್ಸಿಕೋ ನಗರ ಮೇಯರ್ ಉದ್ಘಾಟಿಸಿದ ಬೆನ್ನಲ್ಲೇ ಸೇತುವೆವೊಂದು ಕುಸಿದಿದ್ದು, ಘಟನೆಯಲ್ಲಿ 20ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ ಎಂದು ಮೂಲಗಳಿಂದ ತಿಳಿದು ಬಂದಿವೆ. ಈ ಪೈಕಿ ಎಂಟು ಮಂದಿ ಮೂಳೆ ಮುರಿತಕ್ಕೊಳಗಾಗಿದ್ದಾರೆ.

ಗಾಯಗೊಂಡವರಲ್ಲಿ ನಾಲ್ವರು ಸಿಟಿ ಕೌನ್ಸಿಲ್ ಸದಸ್ಯರು, ಇಬ್ಬರು ಅಧಿಕಾರಿಗಳು ಮತ್ತು ಸ್ಥಳೀಯ ವರದಿಗಾರರೊಬ್ಬರು ಸೇರಿದ್ದು, ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಗಿದೆ ಎಂದು ಸ್ಥಳೀಯಾಡಳಿತ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಇದಕ್ಕೆ ಸಂಬಂಧಿಸಿದ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರ ಆಕ್ರೋಶದ ನಡುವೆ ನಗರಾಡಳಿತ ತೀವ್ರ ಮುಜುಗರಕ್ಕೊಳಗಾಗಿದೆ.