ಕಾಠ್ಮಂಡು: ನಾಲ್ವರು ಭಾರತೀಯರನ್ನೊಳಗೊಂಡಂತೆ 22 ಮಂದಿ ಪ್ರಯಾಣಿಕರನ್ನು ಹೊತ್ತೊಯ್ದ ನೇಪಾಳ ವಿಮಾನವು ಹಿಮಾಲಯ ಪರ್ವತದ ತಪ್ಪಲಿನಲ್ಲಿ ಭಾನುವಾರ ಬೆಳಿಗ್ಗೆ ನಾಪತ್ತೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
- Advertisement -
ತಾರಾ ಏರ್ ವಿಮಾನ 9.55ಕ್ಕೆ ಟೇಕ್ ಆಫ್ ಆಗಿದ್ದು, ಪರ್ವತ ಪಟ್ಟಣವಾದ ಜೋಮ್ಸ್’ಮ್ ಹಾರಾಟ ನಡೆಸುತ್ತಿದ್ದ 15 ನಿಮಿಷಕ್ಕೆ ವಿಮಾನ ಸಂಪರ್ಕವನ್ನು ಕಳೆದುಕೊಂಡಿದೆ ಎಂದು ಅಧಿಕಾರಿಯೊಬ್ಬರು ಮಾಧ್ಯಮಕ್ಕೆ ತಿಳಿಸಿದ್ದಾರೆ.
ಸದ್ಯ ಈ ವಿಮಾನದಲ್ಲಿ 13 ನೇಪಾಳಿ, ಇಬ್ಬರು ಜರ್ಮನ್ನರು ಮತ್ತು ಮೂವರು ಸಿಬ್ಬಂದಿ ಪ್ರಯಾಣಿಸುತ್ತಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿವೆ. ಕಳೆದೆರಡು ದಿನಗಳಿಂದ ಈ ಪ್ರದೇಶದಲ್ಲಿ ಭಾರೀ ಮಳೆಯಾಗುತ್ತಿದೆ ಎಂದು ವರದಿಯಾಗಿದ್ದು, ವಿಮಾನಗಳು ಸಾಮಾನ್ಯವಾಗಿ ಕಾರ್ಯನಿರ್ವಹಿಸುತ್ತಿವೆ.
- Advertisement -
ಮುಸ್ತಾಂಗ್’ನ ಥೊರೊಂಗ್ ಲಾ ಪರ್ವತದ ತಪ್ಪಲಿನಲ್ಲಿರುವ ಮುಕ್ತಿನಾಥ್ ದೇವಾಲಯಕ್ಕೆ ಭೇಟು ನೀಡುವ ಭಾರತೀಯ ಮತ್ತು ನೇಪಾಳಿ ಪ್ರವಾಸಿಗಳಿಗೆ ಇದು ಜನಪ್ರಿಯ ತಾಣವಾಗಿದೆ.
