ಬೆಂಗಳೂರು: ಕನ್ನಡ ಚಿತ್ರದ ನಟ ಯಶ್ ಅಭಿನಯದ ಬಹುನಿರೀಕ್ಷಿತ ಚಿತ್ರ ಕೆಜಿಎಫ್ ಚಾಪ್ಟರ್ 2 ಹಲವು ದಾಖಲೆಗಳನ್ನು ಪುಡಿಗೈದಿದೆ. ಇದೀಗ ಕೆಜಿಎಫ್ 2 ಚಿತ್ರ ಇದುವರೆಗೂ ಗಳಿಸಿರುವ ಕಲೆಕ್ಷನ್ ಬಗ್ಗೆ ಟ್ರೇಡ್ ವಿಶ್ಲೇಷಕ ಮನೋಬಾಲಾ ವಿಜಯಬಾಲನ್ ಮಾಹಿತಿ ನೀಡಿದ್ದಾರೆ.
ಕೆಜಿಎಫ್ ಚಾಪ್ಟರ್ 2 ಸಿನಿಮಾ ವಿಶ್ವದಾದ್ಯಂತ 1221.13 ಕೋಟಿ ರೂ ಗಳಿಸಿದೆ ಎಂದು ವಿಜಯಬಾಲನ್ ಮಾಹಿತಿ ನೀಡಿದ್ದು, ಜನರಿನ್ನೂ ಹೊಸದಾಗಿ ಬಿಡುಗಡೆಯಾಗಿರುವ ಚಿತ್ರವನ್ನು ಬಿಟ್ಟು ಮತ್ತು ಒಟಿಟಿ ಹೊರತಾಗಿಯೂ ಮಾಸ್ ಎಂಟರ್ಟೈನ್ ಮೆಂಟ್ ಚಿತ್ರಕ್ಕೆ ಆದ್ಯತೆ ನೀಡುವುದನ್ನು ಮುಂದುವರಿಸಿದ್ದಾರೆ ಎಂದು ಹೇಳಿದ್ದಾರೆ.
ಕೆ.ಜಿ.ಎಫ್ ಚಾಪ್ಟರ್ 2 ಚಿತ್ರ ಮೊದಲ 1 ರಿಂದ 5 ವಾರದಲ್ಲಿ 1210.53 ಕೋಟಿ ಗಳಿಸಿದೆ. ವಾರ 6 ರಲ್ಲಿ ದಿನ 1 ರಿಂದ 3.10 ಕೋಟಿ ಗಳಿಸಿದೆ. ದಿನ 2 ರಲ್ಲಿ 3.48 ಕೋಟಿ ದಿನ 3 ರಂದು 4.02 ಕೋಟಿ ಒಟ್ಟು – 1221.13 ಕೋಟಿ ಗಳಿಸಿದೆ ಎಂದು ತಿಳಿಸಿದ್ದಾರೆ.
ಪಂಚ ಭಾಷೆಯಲ್ಲಿ ಬಿಡುಗಡೆಗೊಂಡಿರುವ ಈ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದು, ಬಾಲಿವುಡ್ ನಟ ಸಂಜಯ್ ಧತ್, ರವೀನಾ ಟಂಡನ್ ಮತ್ತು ಮಂಗಳೂರು ಬೆಡಗಿ ಶ್ರೀನಿಧಿ ಶೆಟ್ಟಿ ಮೊದಲಾದವರು ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
