ಟ್ವಿಟರ್ ನ ಬ್ಲೂಟಿಕ್ ಗಾಗಿ 10 ಸಾವಿರ ರೂ. ದಂಡ ಕಟ್ಟಿದ ಸಿಬಿಐ ಮಾಜಿ ಮುಖ್ಯಸ್ಥ

ನವದೆಹಲಿ: ಟ್ವಿಟರ್ ನ ಬ್ಲೂಟಿಕ್ ಗಾಗಿ ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿದ ಸಿಬಿಐ ಮಾಜಿ ಮುಖ್ಯಸ್ಥ ಎಂ.ನಾಗೇಶ್ವರ ರಾವ್ ಅವರಿಗೆ 10 ಸಾವಿರ ರೂಪಾಯಿ ದಂಡ ವಿಧಿಸಿದೆ.

ಟ್ವಿಟರ್ ನಲ್ಲಿ ಬ್ಲೂಟಿಕ್ ಬಳಕೆದಾರರ ಖಾತೆಗೆ ಅಧಿಕೃತ ಮುದ್ರೆಯಾಗಿದೆ. ಆದರೆ, ಇದನ್ನು ತೆಗೆದು ಹಾಕಿದ್ದರಿಂದ ಟ್ವಿಟರ್ ವಿರುದ್ಧ ಎಂ.ನಾಗೇಶ್ವರರಾವ್ ನ್ಯಾಯಾಲಯದ ಮೆಟ್ಟಿಲೇರಿದ್ದರು. ಆದರೆ, ನ್ಯಾ.ಯಶ್ವಂತ ವರ್ಮಾ ಅವರಿದ್ದ ಏಕಸದಸ್ಯ ಪೀಠ, ಈ ವಿಷಯ ಕುರಿತು ಈ ಹಿಂದೆ ಆದೇಶಿಸಲಾಗಿದೆ ಎಂದು ಹೇಳಿ ಅರ್ಜಿಯನ್ನು ವಜಾಗೊಳಿಸಿದೆ.

ಏಪ್ರಿಲ್ 7ರಂದೇ ಆದೇಶ ನೀಡಿದ್ದೇವೆ. ಆ ತಕ್ಷಣ ನ್ಯಾಯಾಲಯವನ್ನು ಸಂಪರ್ಕಿಸಲು ಯಾವ ನಿರ್ಬಂಧವಿತ್ತು? ನಮ್ಮಿಂದ ಮರಳಿ ಉಡುಗೊರೆ ಬೇಕೇ ಎಂದು ಖಾರವಾಗಿ ಪ್ರಶ್ನಿಸಿರುವ ನ್ಯಾಯಪೀಠ, 10 ಸಾವಿರ ರೂಪಾಯಿ ದಂಡ ವಿಧಿಸಿದೆ.

ಅರ್ಜಿದಾರರ ಪರ ವಾದ ಮಂಡಿಸಿದ್ದ ವಕೀಲ ರಾಘವ್ ಅವಸ್ಥಿ, ಬ್ಲೂಟಿಕ್ಗಾಗಿ ಕಳೆದ ತಿಂಗಳೇ ಮನವಿ ಮಾಡಲಾಗಿತ್ತು. ಆದರೆ, ಇದುವರೆಗೆ ಟ್ವಿಟರ್ ನವರು ಇದನ್ನು ನೀಡಿಲ್ಲ ಎಂದು ಹೇಳಿದ್ದರು.