ರಾಜ್ಯದ ಜನರು ಬೊಮ್ಮಾಯಿ, ಬಿಜೆಪಿಯನ್ನು ಸೋಲಿಸುವುದು ನಿಶ್ಚಿತ: ಕಾಂಗ್ರೆಸ್

ಬೆಂಗಳೂರು: ರಾಜ್ಯದ ಜನರು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮತ್ತು ಬಿಜೆಪಿಯನ್ನು ಸೋಲಿಸುವುದು ನಿಶ್ಚಿತ ಎಂದು ಕಾಂಗ್ರೆಸ್ ವಾಗ್ದಾಳಿ ನಡೆಸಿದೆ.

ಅಧಿಕಾರಕ್ಕಾಗಿಯೇ ಎಲ್ಲವೂ, ಎಲ್ಲದರಲ್ಲೂ ಅಧಿಕಾರ… ಇದೇ ಅವರ ನಿಜವಾದ ಮುಖ! ”ಸರ್ವ ಜನಾಂಗದ ಶಾಂತಿಯ ತೋಟ”ವನ್ನು ಕೋಮು ಉನ್ಮಾದದ ಪ್ರಪಾತಕ್ಕೆ ತಳ್ಳಲು ಅವರು ಕಣ್ಣು ರೆಪ್ಪೆ ಮುಚ್ಚಲಿಲ್ಲ ಎಂಬುದಕ್ಕೆ ಪುರಾವೆ ಇದೆ. ಜನರು ಅವರನ್ನು ಮತ್ತು ಬಿಜೆಪಿಯನ್ನು ಸೋಲಿಸುವುದು ನಿಶ್ಚಿತ’ ಎಂದು ಆಕ್ರೋಶ ವ್ಯಕ್ತಪಡಿಸಿದೆ.

‘ಬೊಮ್ಮಾಯಿ ಸರಕಾರದ ದಿನಕ್ಕೊಂದು ಹಗರಣ ಯುವಜನರ ಭವಿಷ್ಯವನ್ನ ಹಾಳುಗೆಡವಿದೆ. ಕಿರಿಯ ಅಧಿಕಾರಿಗಳನ್ನು ಬಂಧಿಸುವುದರಿಂದ ಪಿಎಸ್ ಐ ಹಗರಣ  ಮುಚ್ಚಿಹಾಕಲಾಗುವುದಿಲ್ಲ. ಅಶ್ವತ್ಥನಾರಾಯಣ ಮತ್ತು ಗೃಹಸಚಿವರನ್ನು ವಜಾಗೊಳಿಸಿ. ಹೈಕೋರ್ಟ್ CJ ಅಡಿಯಲ್ಲಿ SIT ರಚಿಸಿ ,ಉದ್ಯೋಗ ಮಾಫಿಯಾವನ್ನ ಅನಾವರಣಗೊಳಿಸಿ ಧೈರ್ಯ ತೋರುವರೇ ಸಿಎಂ? ಎಂದು ರಾಜ್ಯ ಉಸ್ತುವಾರಿ ರಣದೀಪ್ ಸಿಂಗ್ ಸುರ್ಜೇವಾಲಾ ಅವರ ಟ್ವೀಟ್ ಅನ್ನು ಕರ್ನಾಟಕ ಕಾಂಗ್ರೆಸ್ ಟ್ವಿಟರ್ ಖಾತೆ ಪೋಸ್ಟ್ ಮಾಡಿದೆ.