ಸೂರತ್: ಮೊದಲ ರೂಪಂತರಿ ಓಮಿಕ್ರಾನ್ XE ವೈರಸ್ ಗುಜರಾತಿನಲ್ಲಿ ಪತ್ತೆಯಾಗಿದ್ದು, ಮುಂಬೈ ಮೂಲದ ವ್ಯಕ್ತಿಯೊಬ್ಬರು ವಡೋದರಗೆ ಭೇಟಿ ನೀಡಿದಾಗ ನಡೆಸಿದ ಪರೀಕ್ಷೆಯ ವೇಳೆ ಈ ಪ್ರಕರಣ ದೃಢಪಟ್ಟಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
- Advertisement -
ಕಳೆದ ತಿಂಗಳು ಆ ವ್ಯಕ್ತಿ ಪರೀಕ್ಷೆ ನಡೆಸಿದ್ದರು ಮತ್ತು ನಂತರ ಮುಂಬೈಗೆ ಮರಳಿದ್ದರು. ಆದರೆ ಈತನಲ್ಲಿ ಶುಕ್ರವಾರ ಓಮಿಕ್ರಾನ್ XE ವೈರಸ್ ದೃಢಪಟ್ಟಿದ್ದು, ವ್ಯಕ್ತಿಯ ಪ್ರಸಕ್ತ ಪರಿಸ್ಥಿತಿಯ ಬಗ್ಗೆ ಬರೋಡ ಅಧಿಕಾರಿಗಳಿಗೆ ಮಾಹಿತಿ ಇಲ್ಲ ಎಂದು ಅವರು ತಿಳಿಸಿದ್ದಾರೆ.
ಈ ಮಧ್ಯೆ ಓಮಿಕ್ರಾನ್ XE ವೈರಸ್ ಹಿಂದಿನವುಗಳಿಗಿಂತ ಹೆಚ್ಚು ಪರಿಣಾಮಕಾರಿಯಾಗಿ ಹರಡಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆ ತಿಳಿಸಿದೆ.
- Advertisement -
ಮುಂಬೈನ ಸಾಂತಾಕ್ರೂಝ್ ವ್ಯಕ್ತಿಯೊಬ್ಬರು ಮಾರ್ಚ್ 12 ರಂದು ವಡೋದರಾಗೆ ಭೇಟಿ ನೀಡಿದಾಗ ಕೋವಿಡ್ 19 ಪರೀಕ್ಷೆ ನಡೆಸಿದ್ದರು. ಅವರ ಪತ್ನಿ ಕೂಡ ಅವರ ಜೊತೆಗಿದ್ದರು ಎಂದು ಮುನ್ಸಿಪಾಲ್ ಕಾರ್ಪೋರೇಶನ್ ವೈದ್ಯಾಧಿಕಾರಿ ದೇವೇಶ್ ಪಟೇಲ್ ತಿಳಿಸಿದ್ದಾರೆ.
