ಮಂಡ್ಯ: ಬೀಬಿ ಮಸ್ಕಾನ್‌ ಖಾನ್‌ ಪರೀಕ್ಷೆ ಬರೆಯದಿರಲು ಪಿಇಎಸ್‌ ಪದವಿ ಕಾಲೇಜು ಸಿಬ್ಬಂದಿಯ ಅಸಹಕಾರ ಕಾರಣ ಎಂದು ವಿದ್ಯಾರ್ಥಿನಿಯ ಪೋಷಕರು ಆರೋಪಿಸಿದ್ದಾರೆ.
- Advertisement -
‘ಅಲ್ಲಾಹು ಅಕ್ಬರ್‌’ ಘೋಷಣೆ ಕೂಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾಗಿದ್ದ ಬೀಬಿ ಮಸ್ಕಾನ್‌ ಖಾನ್‌ ಮಾರ್ಚ್‌ 24ರಿಂದ ಆರಂಭವಾಗಿರುವ ಬಿಕಾಂ 3ನೇ ಸೆಮಿಸ್ಟರ್‌ ಪರೀಕ್ಷೆ ಬರೆಯಲಿಲ್ಲ. ಆಕೆಯ ಪೋಷಕರು ಭದ್ರತೆಯೊಂದಿಗೆ ಪ್ರತ್ಯೇಕ ಕೊಠಡಿಯಲ್ಲಿ ಪರೀಕ್ಷೆ ಬರೆಸಬೇಕು ಎಂದು ಕಾಲೇಜಿಗೆ ಮನವಿ ಮಾಡಿದ್ದರು. ಆದರೆ ಕಾಲೇಜು ಆಡಳಿತ ಮಂಡಳಿ ಇದಕ್ಕೆ ಒಪ್ಪಲಿಲ್ಲ. ವಿದ್ಯಾರ್ಥಿನಿಯ ಭವಿಷ್ಯದ ದೃಷ್ಟಿಯಿಂದ ಪಿಇಎಸ್‌ ಕಾಲೇಜು ಪ್ರಾಂಶುಪಾಲರು ಸರಿಯಾದ ಸಮಯದಲ್ಲಿ ನಿರ್ಧಾರ ಕೈಗೊಂಡಿದ್ದರೆ ಪರೀಕ್ಷೆ ಬರೆಸಬಹುದಿತ್ತು, ಆದರೆ ಪ್ರಾಂಶುಪಾಲರು ಕೈಚೆಲ್ಲಿದರು ಎಂದು ಮುಸ್ಕಾನ್ ಖಾನ್‌ ಪೋಷಕರು ಆರೋಪಿಸಿದ್ದಾರೆ.
