ಬಿಹಾರದ ನೂತನ ಶಿಕ್ಷಣ ಸಚಿವ, ಭ್ರಷ್ಟಾಚಾರ ಆರೋಪಿ ಮೆವಲಾಲ್ ಚೌಧರಿ ಮೂರೇ ದಿನದಲ್ಲಿ ರಾಜೀನಾಮೆ

ಪಾಟ್ನಾ : ಬಿಹಾರ ನೂತನ ಸರಕಾರದಲ್ಲಿ ಪ್ರಮಾಣ ವಚನ ಸ್ವೀಕರಿಸಿ ಮೂರೇ ದಿನದಲ್ಲಿ ಭ್ರಷ್ಟಾಚಾರ ಆರೋಪ ಹೊತ್ತ ಶಿಕ್ಷಣ ಸಚಿವ ಮೆವಾಲಾಲ್ ಚೌದರಿ ರಾಜೀನಾಮೆ ನೀಡಿದ್ದಾರೆ.

ಮೆವಲಾಲಾಲ್ ಚೌದರಿ ಓರ್ವ ಒಂದು ವಿವಿಯ ಮಾಜಿ ಉಪ ಕುಲಪತಿಯಾಗಿದ್ದೂ, ಸರಿಯಾಗಿ ರಾಷ್ಟ್ರಗೀತೆಯನ್ನು ಹಾಡಲೂ ಗೊತ್ತಿಲ್ಲದಿದ್ದುದು ವ್ಯಾಪಕ ಸುದ್ದಿಯಾಗಿತ್ತು. ಅವರು ತಪ್ಪುತಪ್ಪಾಗಿ ರಾಷ್ಟ್ರಗೀತೆ ಹಾಡಿದ ವೀಡಿಯೊವೊಂದು ವೈರಲ್ ಆಗಿತ್ತು.

ಇದರ ಜೊತೆಗೆ ಮೆವಲಾಲ್ ವಿರುದ್ಧ ಭ್ರಷ್ಟಾಚಾರ ಆರೋಪಗಳಿರುವ ಬಗ್ಗೆ ಆರ್ ಜೆಡಿ ಗಂಭೀರ ಪ್ರಶ್ನೆಗಳನ್ನು ಎತ್ತಿತ್ತು. ಮುಖ್ಯಮಂತ್ರಿ ನಿತೀಶ್ ಕುಮಾರ್ ಕ್ರಿಮಿನಲ್ ಗಳನ್ನು ಸಚಿವ ಸಂಪುಟದಲ್ಲಿ ಸೇರಿಸಿಕೊಂಡು, ರಾಜ್ಯವನ್ನು ಲೂಟಿ ಮಾಡುತ್ತಿದ್ದಾರೆ ಎಂದು ಆರ್ ಜೆಡಿ ಆಪಾದಿಸಿತ್ತು.