ನವದೆಹಲಿ: ಹಿರಿಯ ಉದ್ಯಮಿ ರತನ್ ಟಾಟಾ ಡಿಸೆಂಬರ್ 28ರಂದು ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
- Advertisement -
ಹುಟ್ಟುಹಬ್ಬ ಆಚರಣೆಯ ವೇಳೆಯೂ ಅವರು ಸರಳತೆ ಮೆರೆದಿದ್ದಾರೆ. ವೀಡಿಯೋದಲ್ಲಿ ರತನ್ ಟಾಟಾ ಅವರು ಕುರ್ಚಿಯ ಮೇಲೆ ಕುಳಿತಿದ್ದಾರೆ ಮತ್ತು ಅವರ ಮುಂಭಾಗದ ಮೇಜಿನ ಮೇಲೆ ಸಣ್ಣ ಕಪ್‌ ಕೇಕ್ ಇರಿಸಲಾಗಿದೆ. ಈ ಪುಟ್ಟ ಕೇಕ್ ಕತ್ತರಿಸುವ ಮೂಲಕ ಹಿರಿಯ ಉದ್ಯಮಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡರು. ಈ ಸಮಯದಲ್ಲಿ, ಒಬ್ಬ ಯುವಕ ಅವರೊಂದಿಗೆ ಕುಳಿತಿರುವುದು ಕಂಡುಬರುತ್ತದೆ.
ಸದ್ಯ ಈ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ರತನ್ ಟಾಟಾ ಅವರ ಜೊತೆಗಿರುವ ಯುವಕ ಯಾರು ಎನ್ನುವ ಕುತೂಹಲ ಎಲ್ಲರಿಗೂ ಕಾಡಿತ್ತು. ರತನ್ ಟಾಟಾ ಜೊತೆ ಕಾಣಿಸಿಕೊಂಡಿರುವ ಯುವಕನ ಹೆಸರು ಶಂತನು ನಾಯ್ಡು, ಶಂತನು ರತನ್ ಟಾಟಾ ಅವರ ಆಪ್ತ ಕಾರ್ಯದರ್ಶಿ. ಅವರು ಸುಮಾರು 3 ವರ್ಷಗಳಿಂದ ಟಾಟಾ ಗ್ರೂಪ್‌ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ರತನ್ ಟಾಟಾ ಹಾಗೂ ಶಂತನು ಅವರ ಮಧ್ಯೆ ಉತ್ತಮ ಬಾಂಧವ್ಯವಿದೆ.
