ತಮಿಳು ನಟ ವಿಜಯ್ ಸೇತುಪತಿಗೆ ಒದೆಯುವವರಿಗೆ ಬಹುಮಾನ ಘೋಷಿಸಿದ ಸಂಘಪರಿವಾರದ ಹಿಂದೂ ಮಕ್ಕಳ್ ಕಕ್ಷಿ!

ಚೆನ್ನೈ: ವಿಜಯ್ ಸೇತುಪತಿಗೆ ಒದೆಯುವವರಿಗೆ ಸಂಘ ಪರಿವಾರ ಸಂಘಟನೆಯಾದ ಹಿಂದೂ ಮಕ್ಕಳ್ ಕಕ್ಷಿ ಬಹುಮಾನ ಘೋಷಿಸಿದೆ.

ಈ ಕುರಿತು ಟ್ವೀಟ್ ಮಾಡಿದ ಹಿಂದೂ ಮಕ್ಕಳ್ ಕಕ್ಷಿ ನಾಯಕ ಅರ್ಜುನ್ ಸಂಪತ್, ಪ್ರತಿ ಒದೆಗೆ 1001 ರೂ ನೀಡುವುದಾಗಿ ಘೋಷಿಸಿದ್ದು, ತೇವರ್ ಸಮುದಾಯವನ್ನು ಅವಮಾನಿಸಿದ ವಿಜಯ್ ಸೇತುಪತಿಯನ್ನು ಒದೆಯುವವರಿಗೆ ಬಹುಮಾನ ಘೋಷಿಸಿರುವುದಾಗಿ ಹೇಳಿದ್ದಾರೆ.
ಹಿಂದೂ ಮಕ್ಕಳ್ ಕಕ್ಷಿಯ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಈ ಘೋಷಣೆ ಮಾಡಲಾಗಿದೆ.

ಈ ಹಿಂದೆ ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ವಿಜಯ್ ಸೇತುಪತಿ ಮೇಲೆ ಹಲ್ಲೆ ಯತ್ನ ನಡೆದಿತ್ತು.
ಹಿಂದೂ ಮಕ್ಕಳ್ ಕಕ್ಷಿ ಈ ಹಿಂದೆಯೂ ಇದೇ ರೀತಿಯ ವಿವಾದಾತ್ಮಕ ಘೋಷಣೆಗಳನ್ನು ಮಾಡಿ ಸುದ್ದಿಯಾಗಿತ್ತು.