►15 ಸಾವಿರ ರೂ. ದೇಣಿಗೆಗೆ ಬಲವಂತ!
ಹೊಸದಿಲ್ಲಿ: ಅಯೋಧ್ಯೆಯ ರಾಮ ಮಂದಿರಕ್ಕೆ ದೇಣಿಗೆ ನೀಡಲು ನಿರಾಕರಿಸಿದ ಮುಖ್ಯೋಪಾಧ್ಯಾಯಿನಿಯೊಬ್ಬರನ್ನು ಶಾಲಾಡಳಿತ ಮಂಡಳಿ ಅಮಾನತುಗೊಳಿಸಿದ ಘಟನೆ ನಡೆದಿದೆ.
ಶಿಕ್ಷಕಿಯ ದೂರಿನ ಮೇರೆಗೆ ದೆಹಲಿ ಹೈಕೋರ್ಟ್ ಶಾಲಾಡಳಿತ ಮಂಡಳಿಗೆ ನೋಟಿಸ್ ಕಳುಹಿಸಿದೆ.
ರಾಮ ಮಂದಿರಕ್ಕೆ 70,000 ರೂ.ನಿಂದ 1 ಲಕ್ಷದವರೆಗೆ ದೇಣಿಗೆ ಸಂಗ್ರಹಿಸಿ ಕೊಡಲು ಒತ್ತಡ ಹೇರಲಾಗಿತ್ತು ಎಂದು ಶಿಕ್ಷಕಿ ದೂರು ನೀಡಿದ್ದರು.
ಜತೆಗೆ ಶಿಕ್ಷಕರಿಂದಲೇ 15 ಸಾವಿರ ರೂಪಾಯಿ ಸಂಗ್ರಹಿಸಲು ಶಾಲಾಡಳಿತ ಮಂಡಳಿ ನಿರ್ಧರಿಸಿತ್ತು. ಆದರೆ, ಮುಖ್ಯಶಿಕ್ಷಕಿಗೆ 15 ಸಾವಿರ ರೂ. ನೀಡಲು ಸಾಧ್ಯವಾಗಲಿಲ್ಲ. 2016ರಲ್ಲಿ ಪತಿಗೆ ಅಪಘಾತವಾದಾಗಿನಿಂದ ಶಿಕ್ಷಕಿ ತೀವ್ರ ಆರ್ಥಿಕ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.
ಶಾಲಾಡಳಿತ ಮಂಡಳಿಯಲ್ಲದೆ ಆರೆಸ್ಸೆಸ್ ನ ಟ್ರಸ್ಟ್ ಸಮರ್ಥ್ ಶಿಕ್ಷಾ ಸಮಿತಿ ಮತ್ತು ದೆಹಲಿ ಸರ್ಕಾರದ ಶಿಕ್ಷಣ ನಿರ್ದೇಶನಾಲಯಕ್ಕೂ ನ್ಯಾಯಮೂರ್ತಿ ಕಾಮೇಶ್ವರ್ ರಾವ್ ನೋಟಿಸ್ ಜಾರಿ ಮಾಡಿದ್ದಾರೆ. ಫೆಬ್ರವರಿಯಲ್ಲಿ, ಆರ್‌ಎಸ್‌ಎಸ್‌ನ ಸಮಿತಿಯು ದೇವಾಲಯದ ನಿರ್ಮಾಣಕ್ಕಾಗಿ ಈ ವರ್ಷ 70,000 ಶಾಲೆಗಳಿಗೆ ನಿರ್ದೇಶನ ನೀಡಿತ್ತು.
