ಅಹಮದಾಬಾದ್‌ : ಮತಾಂತರ ಉದ್ದೇಶದಿಂದ ಬಲವಂತವಾಗಿ ಮದುವೆಯಾಗುವುದನ್ನು ತಡೆಯುವ ಉದ್ದೇಶದ ಗುಜರಾತ್‌ ಧಾರ್ಮಿಕ ಸ್ವಾತಂತ್ರ್ಯ (ತಿದ್ದುಪಡಿ) ಕಾಯ್ದೆ ಜೂ.15ರಿಂದ ಜಾರಿಯಾಗಲಿದೆ. ಬಿಜೆಪಿಗರು ಪ್ರತಿಪಾದಿಸುವ ʼಲವ್‌ ಜಿಹಾದ್‌ʼ ಅನ್ನು ತಡೆಯುವ ಉದ್ದೇಶದ ಕಾನೂನು ಇದಾಗಿದೆ.
- Advertisement -
ಮಸೂದೆ ಪ್ರಕಾರ, ಮತಾಂತರ ಉದ್ದೇಶದಿಂದ ಬಲವಂತ ವಿವಾಹವಾದ ಪ್ರಕರಣಗಳಲ್ಲಿ ಗರಿಷ್ಠ 10 ವರ್ಷ ಜೈಲು ಶಿಕ್ಷೆ ವಿಧಿಸಲು ಅವಕಾಶವಿದೆ. ಗುಜರಾತ್‌ ಮುಖ್ಯಮಂತ್ರಿ ವಿಜಯ್‌ ರುಪಾನಿ ಅವರು ಈ ಕಾನೂನು ಜಾರಿಗೆ ತರಲು ನಿರ್ಧರಿಸಿದ್ದು, ಜೂ.೧೫ರಿಂದ ಇದು ಜಾರಿಯಾಗಲಿದೆ ಎಂದು ಅವರು ತಿಳಿಸಿದ್ದಾರೆ.
ಏ.1ರಂದು ಈ ಕಾನೂನಿಗೆ ಗುಜರಾತ್‌ ವಿಧಾನಸಭೆಯಲ್ಲಿ ಬಹುಮತದೊಂದಿಗೆ ಅಂಗೀಕಾರ ಪಡೆಯಲಾಗಿತ್ತು. ನಂತರ ಮೇ ತಿಂಗಳಲ್ಲಿ ರಾಜ್ಯಪಾಲ ಆಚಾರ್ಯ ದೇವವ್ರತ್‌ ಅವರು ಅನುಮೋದನೆ ನೀಡಿದ್ದರು.
