ಮಂಗಳೂರು : ಕೋವಿಡ್ ಸೋಂಕನ್ನು ತಡೆಗಟ್ಟುವ ನಿಟ್ಟಿನಲ್ಲಿ ರಾಜ್ಯಾದ್ಯಂತ ಲಾಕ್ ಡೌನ್ ಘೋಷಿಸಲಾಗಿದೆ, ಈ ಹಿನ್ನೆಲೆಯಲ್ಲಿ ಈ ಬಾರಿಯ ಫಿತ್ರ್ ಝಕಾತ್ ಪಡೆಯಲು ಹಾಗೂ ನೀಡಲು ತೊಡಕಾಗುವ ಸಾಧ್ಯತೆ ಇದ್ದು , ಫಿತ್ರ್ ಝಕಾತನ್ನು ಯಾವ ರೀತಿಯಲ್ಲಿ ನಿರ್ವಹಿಸಬಹುದು ಎಂದು ದಕ್ಷಿಣ ಕನ್ನಡ ಜಿಲ್ಲಾ ಖಾಝಿ ಅಲ್ಹಾಜ್ ಶೈಖುನಾ ತ್ವಾಖಾ ಅಹ್ಮದ್ ರವರು ಮಾರ್ಗಸೂಚಿಯನ್ನು ಪ್ರಕಟಿಸಿದ್ದಾರೆ. ಮಾರ್ಗಸೂಚಿಗಳು ಕೆಳಗಿನಂತಿವೆ .
- ಫಿತ್ರ್ ಝಕಾತನ್ನು ರಮಝಾನ್ ತಿಂಗಳ ಪ್ರಾರಂಭದಿಂದಲೇ ನೀಡಬಹುದು , ಆದರೆ ಪಡೆದ ವ್ಯಕ್ತಿ ಈದುಲ್ ಫಿತ್ರ್ ದಿನದ ವರೆಗೆ ಜೀವಂತವಿದಲ್ಲಿ ಮಾತ್ರವೇ ಫಿತ್ರ್ ಝಕಾತ್ ಎಂದು ಪರಿಗಣಿಸಲ್ಪಡುವುದು.
- ಸರಕಾರದ ಕೋವಿಡ್ ಮಾರ್ಗಸೂಚಿಗಳನ್ನು ಪಾಲಿಸಿ ಫಿತ್ರ್ ಝಕಾತ್ ಸಾಮಾಗ್ರಿಗಳನ್ನು ಶರೀಅತ್ ವಿರುಧ್ದವಾಗದಂತೆ ಆಯಾ ಜಮಾಅತ್ ಸಮಿತಿಗಳು ಮನೆಮನೆಗೆ ತಲುಪಿಸುವ ಯೋಜನೆ ರೂಪಿಸಬಹುದು.
- ಇವೆಲ್ಲವೂ ಸಾಧ್ಯವಾಗದಿದ್ದರೆ , ಫಿತ್ರ್ ಝಕಾತನ್ನು ಅದರ ಸಮಯಕ್ಕೆ ಮನೆಗೆ ಜನರು ಬಂದರೆ ನೀಡುವೆನು ಎಂಬ ನಿಯ್ಯತಿನೊಂದಿಗೆ ಪ್ರತ್ಯೇಕವಾಗಿ ಇರಿಸಬಹುದು ಎಂದು ಮಾರ್ಗಸೂಚಿಗಳಲ್ಲಿ ತಿಳಿಸಿದ್ದಾರೆ.
