ನವದೆಹಲಿ: ಅಸ್ಸಾಂನ ಅಹೋಮ್ ರಾಜ ಮನೆತನದ ‘ದಿಬ್ಬ ಸಮಾಧಿ’ ಆಗಿರುವ ‘ಮೊಯ್ಡಮ್ಸ್’ ವಿಶ್ವ ಪಾರಂಪರಿಕ ಪಟ್ಟಿಗೆ ಸೇರ್ಪಡೆಯಾಗಿದೆ. ಯುನೆಸ್ಕೋ ಪಾರಂಪರಿಕ ತಾಣಗಳ ಪಟ್ಟಿಗೆ ಸೇರಿದ ಭಾರತದ 43ನೇ ತಾಣ ಇದಾಗಿದ್ದು, ಸಾಂಸ್ಕೃತಿಕ ತಾಣಗಳ ವಿಭಾಗದಲ್ಲಿ ಸೇರ್ಪಡೆಗೊಂಡ ಈಶಾನ್ಯ ಭಾರತದ ಮೊದಲ ಸ್ಥಳವಾಗಿದೆ
- Advertisement -
ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಡೆದ 46ನೇ ವಿಶ್ವಪಾರಂಪರಿಕ ಸಮ್ಮೇಳನದಲ್ಲಿ ಮೊಯ್ಡಮ್ಸ್ ಹೆಸರು ಘೋಷಣೆಯಾಗಿದೆ.
ಮೊಯ್ಡಮ್ಸ್ ಪಿರಾಮಿಡ್ ಆಕೃತಿಯಲ್ಲಿರುತ್ತದೆ. ಚಿಕ್ಕ ಮಣ್ಣಿನ ದಿಬ್ಬಗಳಿಗೆ ಬಾಗಿಲು ಇರುತ್ತಿದ್ದು, ಒಳಗಡೆ ಕಮಾನುಗಳನ್ನು ಹೊಂದಿದೆ. ಇದೊಂದು ಸಮಾಧಿ ಸ್ಥಳ. ಈ ಸಮಾಧಿಗಳು ಸುಮಾರು 600 ವರ್ಷಗಳ ಹಿಂದೆ ಅಸ್ಸಾಂ ಆಳುತ್ತಿದ್ದ ತೈ- ಅಹೋಮ್ ರಾಜವಂಶದವರ ಸಮಾಧಿಗಳಾಗಿವೆ.
