ನವದೆಹಲಿ: ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್‌ಗೆ ಸಂಕಷ್ಟ ಮುಂದುವರೆದಿದ್ದು, ಮತ್ತೊಂದು ಪ್ರಕರಣ ಅವರ ಬೆನ್ನಿಗೆ ಬಿದ್ದಿದೆ. ದೆಹಲಿಯ ಲೆಫ್ಟಿನೆಂಟ್ ಗವರ್ನರ್ ವಿಕೆ ಸಕ್ಸೇನಾ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ವಿರುದ್ಧ ನಿಷೇಧಿತ ಭಯೋತ್ಪಾದಕ ಸಂಘಟನೆ ಸಿಖ್ಸ್ ಫಾರ್ ಜಸ್ಟಿಸ್ (SFJ) ನಿಂದ ಹಣ ಪಡೆದಿದ್ದಕ್ಕಾಗಿ ಎನ್‌ಐಎ ತನಿಖೆಗೆ ಶಿಫಾರಸು ಮಾಡಿದ್ದಾರೆ.
- Advertisement -
ಗೃಹ ಸಚಿವಾಲಯಕ್ಕೆ ಪತ್ರ ಬರೆದಿರುವ ಸಕ್ಸೇನಾ, ದೆಹಲಿ ಸಿಎಂ ಮತ್ತು ರಾಜಕೀಯ ಪಕ್ಷವೊಂದು ಭಾರತದಲ್ಲಿ ನಿಷೇಧಿತಕ್ಕೊಳಗಾಗಿರುವ ಭಯೋತ್ಪಾದಕ ಸಂಘಟನೆಯಿಂದ ಲಕ್ಷಾಂತರ ಡಾಲರ್ ಹಣ ಪಡೆದಿರುವ ಆರೋಪವಿದೆ. ಈ ಆರೋಪಕ್ಕೆ ಸಂಬಂಧಿಸಿದೆ ದೂರುದಾರರಿಂದ ಮನವಿ ಮೇರೆಗೆ ವಿಧಿವಿಜ್ಞಾನ ಪರೀಕ್ಷೆ ಸೇರಿದಂತೆ ಸೂಕ್ತ ತನಿಖೆಯ ಅಗತ್ಯವಿದೆ ಎಂದು ವಿವರಿಸಿದ್ದಾರೆ.
