ಬೆಂಗಳೂರು : ಕೃಷಿಯಲ್ಲಿ ಅಗತ್ಯ ಪರಿಶ್ರಮದ ಜೊತೆಗೆ ಆಧುನಿಕ ತಂತ್ರಜ್ಞಾನ ಬಳಸಿದರೆ ರೈತನಿಗೆ ತಕ್ಕ ಪ್ರತಿಫಲ ಸಿಕ್ಕೇ ಸಿಗಲಿದೆ ಎಂದು ಕೃಷಿ ಸಚಿವ ಎನ್. ಚಲುವರಾಯಸ್ವಾಮಿ ತಿಳಿಸಿದ್ದಾರೆ.
ಫರ್ಸ್ಟ್ ಸರ್ಕಲ್ ಸಂಘಟನೆ ವತಿಯಿಂದ ನಗರದ ಅರಮನೆ ಮೈದಾನದಲ್ಲಿ ಏರ್ಪಡಿಸಿದ್ದ ಉದ್ಯಮಿ ಒಕ್ಕಲಿಗ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.
ರೈತರು ಸುಸ್ಥಿರ ಕೃಷಿ ಮಾಡಬೇಕು. ಸಮಗ್ರ ಬೇಸಾಯ ಪದ್ದತಿ ಜೊತೆಗೆ ಪಶು ಸಂಗೋಪನೆ , ಮೀನುಗಾರಿಕೆ, ಕೋಳಿ ಸಾಕಾಣಿಕೆ ಮತ್ತಿತರ ಚಟುವಟಿಕೆಗಳನ್ನು ಅಳವಡಿಸಿಕೊಳ್ಳುವುದು ಅಗತ್ಯ ಎಂದು ಸಚಿವ ಎನ್ ಚಲುವರಾಯಸ್ವಾಮಿ ಹೇಳಿದರು.
ಹವಾಮಾನ ಆಧಾರಿತ ಬೇಸಾಯ ಮಾಡಬೇಕು. ಮಣ್ಣಿನ ಸತ್ವ ಅರಿತು ಗೊಬ್ಬರ ಬಳಸಬೇಕು. ನೀರಿನ ಸದ್ಬಳಕೆ, ಮಿತ ಬಳಕೆಯಾಗಬೇಕು ಎಂದು ಸಚಿವರು ಹೇಳಿದರು.
ಭೂಮಿಯಿಂದ ಪ್ರಯೋಗಾಲಯಕ್ಕೆ, ಪ್ರಯೋಗಾಲಯದಿಂದ ಭೂಮಿಗೆ ಎಂಬ ಆಶಯದಂತೆ
ಕೃಷಿ ವಿಶ್ವ ವಿದ್ಯಾನಿಲಯಗಳ ಸಂಶೋಧನೆ ರೈತರಿಗೆ ಸಂಪೂರ್ಣ , ಪರಿಣಾಮವಾಗಿ ತಲುಪಬೇಕು ಎಂದು ಕೃಷಿ ಸಚಿವರು ಕರೆ ನೀಡಿದರು.
ಒಕ್ಕಲಿಕ ಕೇವಲ ವ್ಯವಸಾಯಕ್ಕೆ ಸೀಮಿತವಾಗದೆ
ಕೃಷಿಕರ ಮಕ್ಕಳು ಎಲ್ಲಾ ಕ್ಷೇತ್ರಗಳಲ್ಲಿ ತೊಡಗಿ , ಪರಿಣಿತಿ ಹೊಂದಬೇಕು. ಉದ್ಯಮಿಗಳಾಗಿಯೂ ಯಶಸ್ವಿಯಾಗಬೇಕು. ಸರ್ಕಾರದ ಯೋಜನೆಗಳನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದರು ಎನ್ .ಚಲುವರಾಯಸ್ವಾಮಿ ಕರೆ ನೀಡಿದರು.
ಫರ್ಸ್ಟ್ ಸರ್ಕಲ್ ಸಂಸ್ಥೆ ಉದ್ಯಮಿ ಒಕ್ಕಲಿಗ ವೇದಿಕೆ ರೂಪಿಸಿರುವುದು ಅಭಿನಂದನಾರ್ಹ ಇದು ಇನ್ನಷ್ಟು ಸಂಘಟಿತವಾಗಲಿ ಎಂದು ಸಚಿವರು ಹಾರೈಸಿದರು.
