ಕೊರಿಯಾದ ಮಹಿಳಾ ಯೂಟ್ಯೂಬರ್ ಜೊತೆ ಅಸಭ್ಯ ವರ್ತನೆ: ವ್ಯಕ್ತಿಯ ಬಂಧನ

ಬೀದರ್ : ದಕ್ಷಿಣ ಕೊರಿಯಾದ ಮಹಿಳಾ ಯೂಟ್ಯೂಬರ್ ಜೊತೆ ಅಸಭ್ಯ ವರ್ತನೆ ತೋರಿದ ಬೀದರ್ ಮೂಲದ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ವ್ಲಾಗರ್ ಕೆಲ್ಲಿ ಅವರು ಪುಣೆಯ ಪಿಂಪ್ರಿ-ಚಿಂಚ್ವಾಡ್ ಪ್ರದೇಶಕ್ಕೆ ಬಂದು ಎಳನೀರಿನ ಬಗ್ಗೆ ವಿಡಿಯೋ ಶೂಟ್ ಮಾಡುತ್ತಿದ್ದರು. ಈ ವೇಳೆ ಬೀದರ್ ಮೂಲದ ಭರತ್ ಉಂಚಾಲೆ ಎಂಬಾತ ಅಸಭ್ಯ ವರ್ತನೆ ತೋರಿ ಹೆಗಲ ಮೇಲೆ ಕೈ ಹಾಕಿದ್ದಾನೆ. ಕೆಲ್ಲಿ ಆ ಸ್ಥಳದಿಂದ ತೆರಳಿದ ಕೆಲ್ಲಿ ವ್ಯಕ್ತಿಯ ಅಸಭ್ಯ ವರ್ತನೆಯಿಂದ ನಾನು ಇಲ್ಲಿಂದ ಓಡಬೇಕು ಎಂದು ವಿಡಿಯೋದಲ್ಲಿ ಹೇಳಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ಪುಣೆಯಲ್ಲಿ ಪ್ರಕರಣ ದಾಖಲಾಗಿ ಪೊಲೀಸರು ಭರತ್ ಉಂಚಾಲೆಯನ್ನು ಬಂಧಿಸಿದ್ದಾರೆ.