ಕೊಲ್ಕತಾ : ಪಶ್ಚಿಮ ಬಂಗಾಳದ ಮುರ್ಚಿದಾಬಾದ್ ನಲ್ಲಿ ಇಂದು ಬಿಜೆಪಿಯ ರಥಯಾತ್ರೆಯನ್ನು ಪೊಲೀಸರು ತಡೆದಿದ್ದಾರೆ. ಕೆಲವು ಸೂಕ್ಷ್ಮ ಪ್ರದೇಶಗಳಲ್ಲಿ ಬಿಜೆಪಿಯ ರಥಯಾತ್ರೆ ಸಾಗುವುದಕ್ಕೆ ಪೊಲೀಸರು ಅಡ್ಡಿಪಡಿಸಿದ್ದಾರೆ.
- Advertisement -
ನಾದಿಯಾ ಜಿಲ್ಲೆಯಲ್ಲಿ ಫೆ.6ರಂದು ಬಿಜೆಪಿ ರಥಯಾತ್ರೆಗೆ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ. ನಡ್ಡಾ ಚಾಲನೆ ನೀಡಿದ್ದರ. ಅದು ಫೆ.7ರಂದು ನಕಾಸಿಪುರ ಮಾರ್ಗವಾಗಿ ಮುರ್ಷಿದಾಬಾದ್ ಪ್ರವೇಶಿಸಿತ್ತು. ಆದರೆ, ಈ ವೇಳೆ ಕೆಲವು ಸೂಕ್ಷ್ಮ ಪ್ರದೇಶಗಳಲ್ಲಿ ರಥಯಾತ್ರೆ ನಡೆಸುವುದಕ್ಕೆ ಪೊಲೀಸರು ಆಕ್ಷೇಪ ವ್ಯಕ್ತಪಡಿಸಿದರು. ಹೀಗಾಗಿ ಪರ್ಯಾಯ ಮಾರ್ಗದಲ್ಲಿ ರಥಯಾತ್ರೆ ಸಾಗಿತು ಎಂದು ವರದಿಗಳಾಗಿವೆ.
ರಥಯಾತ್ರೆ ಮಾರ್ಗದ ಬಗ್ಗೆ ಮೊದಲೇ ತಿಳಿಸಿದ್ದೆವು. ಆದರೂ ಪೊಲೀಸರು ತಡೆಯೊಡ್ಡಿದ್ದಾರೆ ಎಂದು ಬಿಜೆಪಿ ಮುಖಂಡರು ಆಪಾದಿಸಿದ್ದಾರೆ.
