► TJM, KIYA, TJM ಗಲ್ಫ್ ಸಮಿತಿ ನ್ಯೂಪಡ್ಪು ಸಂತಾಪ ಸೂಚನೆ
► KMJ, SYS, SSF ನ್ಯೂಪಡ್ಪು ಶಾಖೆ ಸಂತಾಪ ಸೂಚನೆ
► SDPI ಹರೇಕಳ ಗ್ರಾಮ ಸಮಿತಿ, ನ್ಯೂಪಡ್ಪು ವಾರ್ಡ್ ಸಮಿತಿ ಸಂತಾಪ ಸೂಚನೆ
ಹರೇಕಳ ಜೂನ್ 5: ಹರೇಕಳ ಗ್ರಾಮದ ನ್ಯೂಪಡ್ಪು ನಿವಾಸಿ, ಪ್ರಸ್ತುತ ಬಂದರಿನ ಕಂದಕ್ ನಲ್ಲಿ ನೆಲೆಸಿರುವ LGM ಉಮರಬ್ಬರವರು ಪವಿತ್ರ ಹಜ್ಜ್ ಉಮ್ರಾ ಯಾತ್ರೆ ನಿಮಿತ್ತ ತನ್ನ ಪ್ರಿಯ ಪತ್ನಿಯೊಂದಿಗೆ ಸೌದಿ ಅರೇಬಿಯಾಕ್ಕೆ ತೆರಳಿದ್ದರು. ಪುಣ್ಯ ಮಕ್ಕಾದಲ್ಲಿ ಹಜ್ಜ್ ಕರ್ಮ ನಿರ್ವಹಿಸುತ್ತಿದ್ದ ಸಂದರ್ಭದಲ್ಲಿ ಅರೋಗ್ಯ ಹದೆಗೆಟ್ಟು, ಮೆಕ್ಕಾದಲ್ಲಿ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ನಿನ್ನೆ ದಿನಾಂಕ 04/07/2023 ರ ಸೌದಿ ಕಾಲಮಾನ ಸಂಜೆ 4.30 ರ ಆಸುಪಾಸು ಸಮಯದಲ್ಲಿ ಮರಣ ಹೊಂದಿದರು. ಮೃತರು ಪತ್ನಿ, ಪುತ್ರಿ ಹಾಗು ಅಪಾರ ಬಂಧು ಬಳಗವನ್ನು ಆಗಲಿದ್ದಾರೆ.
ಮೃತರು ಮೀನು ಉದ್ಯಮಿ, ಕೊಡುಗೈ ದಾನಿಯಾಗಿದ್ದು, ನ್ಯೂಪಡ್ಪು ತ್ವಾಹ ಜುಮಾ ಮಸೀದಿ ಇದರ ಆಡಳಿತ ಕಮಿಟಿಯ ಮಾಜಿ ಅಧ್ಯಕ್ಷರಾಗಿದ್ದರು. ಸರ್ವಶಕ್ತನಾದ ಅಲ್ಲಾಹನು ಅವರ ಸರ್ವ ಪಾಪಗಳನ್ನು ಮನ್ನಿಸಿ ಅವರ ಪಾರತ್ರಿಕ ಜೀವನವನ್ನು ವಿಜಯಗೊಳಿಸಲಿ ಹಾಗು ಮೃತರ ಬಂಧು ಬಳಗದವರಿಗೆ ದುಃಖವನ್ನು ಸಹಿಸುವ ಶಕ್ತಿಯನ್ನು ನೀಡಲಿ ಎಂದು ಪ್ರಾರ್ಥಿಸುತ್ತೇವೆ.
TJM ನ್ಯೂಪಡ್ಪು ಸರ್ವ ಜಮಾಅತರ ಪರವಾಗಿ ತ್ವಾಹ ಜುಮಾ ಮಸೀದಿ ಆಡಳಿತ ಕಮಿಟಿ ಅಧ್ಯಕ್ಷ ಜನಾಬ್ ಖಾಲಿದ್ ಹಾಜಿ ಈ ಮೂಲಕ ಸಂತಾಪವನ್ನು ಸೂಚಿಸುತ್ತಾರೆ. ಖಿದ್ಮತುಲ್ ಇಸ್ಲಾಮ್ ಯಂಗ್ಮೆನ್ಸ್ ಅಸೋಸಿಯೇಷನ್ ಪರವಾಗಿ ಖಿಯಾ ಅಧ್ಯಕ್ಷ ಅಬ್ದುಲ್ ರಶೀದ್ ಹೆಚ್, TJM ಗಲ್ಫ್ ಸಮಿತಿ ಪರವಾಗಿ ಗಲ್ಫ್ ಸಮಿತಿ ಅಧ್ಯಕ್ಷ ಮುಹಮ್ಮದ್ ಹಕೀಮ್ ಸಂತಾಪವನ್ನು ಸೂಚಿಸುತ್ತಾರೆ.
KMJ, SYS, SSF ನ್ಯೂಪಡ್ಪು ಶಾಖೆ ವತಿಯಿಂದ ಸಂತಾಪ ಸೂಚನೆ
SYS ನ್ಯೂಪಡ್ಪು ಶಾಖೆಯ ಮಾಜಿ ಅಧ್ಯಕ್ಷರು, ಪ್ರಸ್ತುತ ಕರ್ನಾಟಕ ಮುಸ್ಲಿಂ ಜಮಾಅತ್ ನ್ಯೂಪಡ್ಪು ಶಾಖೆಯ ಅಧ್ಯಕ್ಷರು ಆಗಿದ್ದ LGM ಉಮರಬ್ಬರವರ ನಿಧನಕ್ಕೆ KMJ, SYS, SSF ಪರವಾಗಿ ಸಂತಾಪವನ್ನು KMJ ಕಾರ್ಯದರ್ಶಿ ಜಮಾಲ್ ಅಹ್ಮದ್ , SYS ಅಧ್ಯಕ್ಷ ಕೆಬೀರ್ ಸೂಚಿಸಿದ್ದಾರೆ.
SDPI ಹರೇಕಳ ಗ್ರಾಮ ಸಮಿತಿ ಮತ್ತು ನ್ಯೂಪಡ್ಪು ವಾರ್ಡ್ ಸಮಿತಿ ವತಿಯಿಂದ ಸಂತಾಪ ಸೂಚನೆ
ತ್ವಾಹ ಜುಮಾ ಮಸೀದಿ ನ್ಯೂಪಡ್ಪು ಇದರ ಮಾಜಿ ಅಧ್ಯಕ್ಷರು, ಸುನ್ನಿ ಸಂಘ ಕುಟುಂಬದ ಪೋಷಕರು,ಕೊಡುಗೈ ದಾನಿಯಾದ ಜನಾಬ್ LGM ಉಮರಬ್ಬರವರ ನಿಧನಕ್ಕೆ ಎಸ್ಡಿಪಿಐ ಹರೇಕಳ ಗ್ರಾಮ ಸಮಿತಿ ಪರವಾಗಿ, ಸಮಿತಿ ಅಧ್ಯಕ್ಷ ಮುಹಮ್ಮದ್ ಅಸೀಫ್ ಹಾಗು ಎಸ್ಡಿಪಿಐ ನ್ಯೂಪಡ್ಪು ವಾರ್ಡ್ ಸಮಿತಿ ಪರವಾಗಿ ಅಸೀಫ್ ಆಚಿ ಈ ಮೂಲಕ ಸಂತಾಪವನ್ನು ಸೂಚಿಸುತ್ತಾರೆ.
